Plani i Rritjes për Ballkanin, Kurti: Kosovës i sjell 882.6 milionë euro!
Në Berlin miratuam planin e veprimit që është shtyllë për planin e rritjes për Ballkanin Perëndimor, ku Kosova përfiton 882.6 milionë euro, tha Kryeministri Albin Kurti në mbledhjen e Qeverisë duke theksuar se Kosova është angazhuar për 10 vjet që Procesi i Berlinit të këtë sukses.
“Doli të jetë një proces i suksesshëm që ka afruar vendet e rajonit me njëra-tjetrën dhe të gjitha së bashku me BE-në. Në Berlin nënshkruam deklaratën për tregun e përbashkët rajonal 2024-2028. Miratuam planin e veprimit që është shtyllë për planin e rritjes për Ballkanin Perëndimor, që Republika jonë përfiton 882.6 milionë euro,” tha Albin Kurti duke saktësuar se veprimet e këtij plani janë të orientuara drejt avancimit të katër lirive, krijimi i mjedisit të favorshëm për biznese, zhvillimit të kapitalit njerëzor, digjitalizimit dhe inovacionit.
Me këtë rast, Kryeministri i Kosovës foli dhe për firmosjen e tre marrëveshjeve tjera, Deklaratën mbi Rikonfirmimin e Marrëdhënieve të Fqinjësisë së mirë dhe Bashkëpunimit Rajonal, Deklaratën mbi Standardet Rajonale të Ekzaminimit të Investimeve të Huaja Direkte në Ballkanin Perëndimor dhe Deklaratën mbi Aneksin dhe Bashkëpunimin në Infrastrukturën e Kërkimit dhe Inovacionit.
Në mbledhjen e Qeverisë, Kryeministri i Kosovës, Albin Kurti foli dhe për për vizitën e Presidentes së KE-së Ursula von der Leyen, të shtunën e 26 tetorit, me të cilën tha se të diskutojë për planin e zgjerimit të BE-së.
