Ka kapur çdo pushtet, deputetët demokratë në PE: Edi Rama po arreston kundërshtarët politikë!
“Liri për Berishën, “Shqipëria- Parti Shtet”, Duam t’i bashkohemi Europës, jo me varka”, Zgjedhjet në Shqipëri si të Stalinit – Ka rëndësi kush numëron, jo kush voton!, “Liri për deputetin Salianji”, etj.” ishin mesazhet e deputetëve demokratë që mbanin në pankartat e tyre në tubimin sensibilzues para Parlamentit Evropian, sot, në ditën kur europarlamentarët po mblidheshin në seancë plenare në Strasburg,
Ndërkohë Sekretari i Përgjithshëm i Partisë Demokratike, Flamur Noka, Kryetari i Grupit Parlamentar Gazment Bardhi, N/Kryetari i Partisë Demokratike Agron Gjekmarkaj, dhe deputetet Albana Vokshi e Jorida Tabaku, zhvilluan takime informale me drejtues të grupeve parlamentare në Parlamentin Europian.
Deputetët demokratë e quajtën të domosdoshme këtë protestë simbolike në Strasburg.
Kryetari i Këshillit Kombëtar, Edi Paloka, tha për mediat se sensibilizimi i eurparlamentarëve ka të bëjë me situatën në Shqipëri. Është vërtetuar tashmë, tha ai, që Rama shet çdo interes dhe ccdo gjë të shqiptarëve për të përfituar pak mbështetje që ai e quan mbështetje ndërkombëtare.“Ne duhet të sensibilizojmë të gjitha institucionet ndërkombëtare për atë që po ndodh në Shqipëri. Një situatë që po rëndohet ccdo ditë e më shumë. Nuk jemi në prag-diktature, jemi në diktaturë. Ajo që ndodhi me ish-presidentin me një rrëmbim banditesk i bërë qëllimisht nga Edi Rama nuk duhet të ketë asnjë dyshim se pas një akti të tillë është dora e Edi Ramës është si të thuash fundi i asaj që konsiderohet demokraci në Shqipëri,” tha Edi Paloka duke përfunduar:
“Sali Berisha jo vetëm u njoh si Kryetar i Partisë Demokratike por iu kërkua në emër të Partive Popullore që të dërgojë përfaqësues të Partisë Demokratike.”
Ndërsa Tomorr Alizoti tha se PD duhet në mënyrë urgjente të vendosë kontakte me europarlamentarët, me anëtarët e CDU, anëtarët e partive të djathta. “PD duhet të përceptohet si një parti e qendrës së djathtë”, tha Alizoti.
Deputeti Dashnor Sula tha se duhet t’i tregohet opinionit ndërkombëtar që Shqipëria nuk është ashtu sicc e përshkruan Edi Rama apo mediat proqeveritare.
“Po të bësh një paralele mes PE-së dhe Parlamentit Shqiptar diferencat janë me shekuj, në një errësirë ku është Parlamenti Shqiptar dhe PE ku është simboli i demokracisë,” tha deputeti Dashnon Sula ndërsa për deputeten Lindita Metaliaj Partia Demokratike po sensibilizon europarlametarët për t’i bërë një skaner situatës së rëndë dhe dramatike në të cilën ndodhet Shqipëria.
“Jemi në një vit paraelektoral ku në 2025 kemi zgjedhjet parlamengtare dhe në një vend ku është asgjësuar Kushtetuta dhe nuk ekziston shteti ligjor, ku janë eleminuar zgjedhjet e lira dhe të ndershme, kërkojmë qeveri teknike dhe zgjedhje pa Ramën kryeministër.”
Ndryshe, deputetët demokratë do të vijojnë takimet me përfaqësues të rëndësishëm të Parlamentit Europian.
