Video/ Sulmohet banesa e Gazmir Dacit. Ja pamjet kur autori vendos tritolin…

Pas sulmit ndaj banesës së Gazmir Dacit në orët e para të mëngjesit, publikohen edhe pamjet nga momenti ku shihet një person ende i paidentifikuar duke vendosur tritolin.

Pamjet filmike zbulojnë një person të veshur me bluzë me kapuç, i cili pas vendosjes së  tritolit largohet me vrap nga banesa e Dacit.

Ishte ora 01: 31, kur kamera fikson këtë moment, ndërsa pak metra më tutje, autori e pret një makinë, i cili largohet menjëherë nga vendi i ngjarjes. Siç raportoi edhe më herët News24 nga vendi i ngjarjes, banesa e familjes Daçi ishte e pajisur me kamera sigurie, kjo edhe për shkak të konflikteve të hershme me familjen Kolaveri.

Ndërkohë, pamjet e kamerave të sigurisë u sekuestruan edhe nga policia, që do të përdoren si provë dhe shërbejnë në identifikimin e autorëve të ngjarjes.

Në një lidhje telefonike për ‘News24’, babai i Gazmirit, tha se i njihte autorët dhe akuzoi familjen Kolaveri se qëndron pas ngjarjes. Me këtë rast ai paralajmëroi se nëse shteti nuk zbardhë ngjarjen, do të bëjë vetëgjyqësi.

Ndryshe, Gazmi Daci vuan dënimin për vrasjen e Valmir Kolaverit dhe plagosjen e vëllait të tij, Robertit.