Pasi mori Raportin e Progresit nga BE, Edi Rama sërish me vrasje për integrimin e Shqipërisë
Me vrasje e përfundoi fjalën e tij ditë më parë me Presidenten e Komisionin Evropian, Ursula von der Leyen, dhe gjithashtu me vrasje sot Kryeministri Edi Rama e përfundoi fjalën pas takimit me Ambasadorin e Bashkimit Europian në Tiranë, Silvio Gonzato, pasi mori Raportin e Progresit të KE 2024.
Ambasadori Silvio Gonzato, tha se meqë reformat që kërkohen nga Shqipëria kanë karakter shoqëror dhe synojnë të ndryshojnë mënyrën se si funksionon shoqëria, atëherë kërkohet përfshirja edhe e opozitës, por, Kryeministri Edi Rama nuk mendon sikur se Brukseli zyrtar dhe duke fajësuar opozitën ishte i prerë se zgjedhja për të vrarë veten politikisht është legjitime, nuk ndalohet dot.
“Kur duhet të vallëzosh duhen dy vetë dhe nuk hidhet vallja nëse të dy nuk duan ta hedhin vallen. Kush është për dialog sot është shumë e thjeshtë, kush është i gatshëm të flasë. Kush nuk është për dialog është shumë e thjeshtë.
Nëse nuk ka gatishmëri nga të dyja anët për të folur s’ka dialog. Është vetëpërjashtim absolut pa asnjë bazë faktike të lidhur me qasjen dhe qëndrimet tona. Është zgjedhja e tyre legjitime, dhe zgjedhja për të vrarë veten politikisht është legjitime nuk ndalohet dot,” tha Edi Rama por ndryshe nga nga Ursula von der Leyen, Ambasadori Gonzato nuk qeshi si idiot por i bëri të qartë promovuesit të vrasjeve se do të gjendet një rrugë për të riangazhuar opozitën.
“E dua muzikën por nuk mendoj se jam dirigjent i mirë. Më mirë rri në auditor. Do të keni dëgjuar që kam theksuar se duke pasur parasysh reformat që duhen ndërmarrë nga Shqipëria janë ndërmarrje shoqërore për të ndryshuar mënyrën si funksionon shoqëria duhet edhe pjesëmarrja e opozitës. Jam përpjekur të mbaj të përfshirë opozitën,” tha Ambasadori i Bashkimit Europian në Tiranë, Silvio Gonzato.
Ka mënyra për të shprehur mospajtimin, ndryshimin e mendimit. Shpresoj që do të gjendet një rrugë për të riangazhuar opozitën. I gatshëm të ndaj çdo informacion që më kërkohet por kërkon angazhim nga të dy palët jo vetëm nga qeveria.”
Kështu, me të drejtën që i dha opozitës për të vrarë veten politikisht, Kryeministri Edi Rama foli dhe për një Shqipëri me opozitë socialiste që ishte e gatshme për dialog, por, ishte Qeveria që nuk pranonte të fliste.
Nëse Edi Rama vazhdon të mendoj se duhet të bisedohet për funksionimin e Këshillit Bashkiak Fier në mënyrë që Shqipëria të hap negociatat e anëtarësimit, atëherë VRASJA në artikulimin politik të Kryeministrit mund të arsyetohet, është patologji!
Ndryshe, me rastin e inaugurimit të Kolegjit Europian në Tiranë, Kryeministri Edi Rama shprehu ditë më parë një gatishmëri të çuditshme në shenjë falënderimi për Presidenten e Komisionit Europian Ursula von der Leyen:
“…Ursula dua të të garantoj se ky është një investim i mirë, sepse për miq ne shkojmë përtej së mundurës, mund edhe të vrasim…”
