Sot nuk kemi ardhur të ulemi me përfaqësues të krimit të organizuar, Noka: Kemi ardhur t’ju çjerrim maskën!

Seanca e sotme plenare filloi ashtu siç parashikohej pas vendimit të djeshëm të Gjykatës Administrative që bëri nul dënimet e Komisionit të Etikës për përjashtimin e dënimeve 40 deri në 60 ditë, ku deputetët e mazhorancës pa kërkuar falje mbi përdorimin e kartonit dhe policisë në Parlament ndaj opozitës, kërkuan bashkimin e politikës drejt integrimit.

“Teksa dëgjojmë çfarë flasin rilindësit këtu, bindesh që ka vetëm një rrugë për t’u marrë vesh me ju, vetëm mosbindja civile për t’u kërryer si sekti më i ndyrë i njerëzimit që ka shkelur në trojet shqiptare, sekti i rilibdjes. Dëgjojmë se flasin me gjuhë bolshevike dhe shfryjnë mllef kundër opozitës edhe sot këtu. Kjo është katandisja ku e keni çuar Kuvendin,” tha Sekretari i Përgjithshëm të PD, Flamur Noka duke e bërë të qartë se deputetët e opozitës janë rithyer në parlament jo për mazhorancën, se nuk mund të ndodhë të ulen me hajdutët, me përfaqësuesit e krimit të organizuar, me ata që kanë shpopulluar Shqipërinë.

“Jo, ne sot kemi ardhur të përfaqësojmë vullnetin e popullit opozitar për t’u shprehur për atë buxhet që e keni vjedhur. Ne kemi ardhur sot t’u çjerrim maskën, t’u themi se herë pas here kujtoheni se opozita duhet parë, por e keni trajtuar opozitën si armike.

Ne jemi këtu për betejë, për këtë të jeni të sigurt. Mosbindja civile do të vazhdojë gjersa t’ju kërrejë.”

Në debatin e filluar nga momenti i parë i fillimit të kësaj seance u kërkua dhe respektimi i vendimeve të Gjykatës Kushtetuese që nga kjo mazhorancë u hodhën poshtë me forcën e kartonit

Ndryshe, në seancën e sotme pritet shqyrtimi i buxhetit faktik të vitit 2023 ku do të konfirmohen dhe akuzat mbi keqmaxhimin dhe keqpërdorimin e këtij buxheti.

Dje, për deputetët Gazment Bardhi, Flamur Noka dhe Bledion Nallbati, Gjykata Administrative vendosi shfuqizimin e pjesshëm duke lënë në fuqi përjashtimin me vetëm 10 ditë, pra nga data 3 deri me 13 tetor; ndërsa për deputetët e tjerë është lënë në fuqi përjashtimi me 5 ditë nga data 3 deri më datë 8 tetor.

Deklaratë:

Nuk pranoj asnjë këshillë nga hajdutët.

Teksa dëgjojmë çfarë flasin rilindësit këtu, bindesh që ka vetëm një rrugë për t’u marrë vesh me ju, vetëm mosbindja civile për t’u kërryer si sekti më i ndyrë i njerëzimit që ka shkelur në trojet shqiptare, sekti i rilibdjes.

Dëgjojmë se flasin me gjuhë bolshevike dhe shfryjnë mllef kundër opozitës edhe sot këtu.

Nuk po flas për atë zonjën atje, që ka marrë rolin e Nafijes te filmi ‘Gjuetia e fundit’.

Silloja përcaktonte politikat, kurse Nafija zbatonte urdhrat, nuk kishte as të drejtë të mendonte.

Kjo është katandisja ku e keni çuar Kuvendin.

Sot nuk kemi ardhur për ju, se nuk mund të ndodhë ne të ulemi me hajdutët, me përfaqësuesit e krimit të organizuar, me ata që kanë shpopulluar Shqipërinë.

Jo, ne sot kemi ardhur të përfaqësojmë vullnetin e popullit opozitar për t’u shprehur për atë buxhet që e keni vjedhur.

Ne kemi ardhur sot t’u çjerrim maskën, t’u themi se herë pas here kujtoheni se opozita duhet parë, por e keni trajtuar opozitën si armike.

Çfarë po bën kjo Nafija këtu? Sa u ul në atë karrige, akti i parë që bëri është shpallja e luftës ndaj opozitës.

Se ju ëndërroni të keni një parlament monist dhe po bëni gjithçka për këtë.

Ju ëndërroni të keni një vend që të jetë monizëm i plotë se sulltani juaj nuk duron dot të ketë kundërshtarë.

Sulltani do skllevër, do raja, ja kështu i do, do një tufë me pengje këtu me të cilët ndan pasuritë e Shqipërisë dhe i vjedh.

A mund ta pranojmë këtë ne?

Jo, jo.

Ne jemi këtu për betejë, për këtë të jeni të sigurt.

Mosbindja civile do të vazhdojë gjersa t’ju kërrejë.

Buxheti nuk është i juaji, sepse buxhetin e keni trajtuar si plaçkë tregu, tufë hajdutësh që jeni vërsulur mbi të.

Ne do u themi shqiptarëve se çfarë ishte buxheti i vitit 2023, ku shkuan taksat e tyre, kush i vodhi dhe çfarë duhet të bëjmë.

Sot mllefin që keni treguar ndaj opozitës, e rrëzoi edhe ai Skapi i partisë. Sapo ka rrëzuar padinë edhe ndaj zonjës Hotit, edhe për karriget e famshme tuajat.

Sepse zotëria aty është ministri i Brendshëm, duhet të japë përgjigje para ligjit pse ka futur policinë këtu.

Ti zonja Nafije duhet të japësh përgjigje pse ke futur këtu policinë në kundërshtim me ligjin.

Kjo tregon mllef ndaj opozitës.

Harrojeni, ju na dukeni si miza, prandaj do ju kërrejmë.