NATO: Marrëdhëniet e Rusisë me Korenë e Veriut, Kinën dhe Iranin, kërcënim për paqen në botë

Marrëdhëniet e Rusisë me Korenë e Veriut, Kinën dhe Iranin, janë kërcënim për paqen në botë, tha sot Sekretari i Përgjithshëm i NATO-s, Mark Rutte.

Duke fol në një konferencë për media me presidentin francez, Emmanuel Macron, Sekretari i Përgjithshëm i NATO-s tha se Rusia po vazhdon me sulmet në Ukrainë, deri sa gjithnjë e më shumë po i afrohet aleatëve – Kinës, Iranit dhe Koresë së Veriut.

“Pas dërgimit të armatimit dhe predhave, Korea e Veriut tani i ka dërguar ushtarë që të luftojnë dhe vriten në krah të Rusisë, në luftën e saj të paligjshme,” tha Rutte.

“Ndërsa Rusia i siguron Koresë së Veriut mjete dhe teknologji për predha. Kjo është shumë shqetësuese. Këto predha janë kërcënim i drejtëpërdrejtë për territorin e SHBA, Evropës, rajonit indo-paqësor dhe rajonit të gjerë euroatlantik.”

Mark Rutte tha se ukrainasit çdo ditë janë plagosur dhe vrarë me dronë Shahed që u siguruan nga Irani.

“Në të njejtën kohë, Kina mbështetë ekonominë ruse, i jep mundësi industrisë së mbrojtjes dhe forcon qëndrimet ruse në skenën botërore,” tha Sekretari i Përgjithshëm i NATO-s duke shtuar:

“Rusia e cila bashkëpunon me Korenë e Veriut, Iranin dhe Kinën nuk paraqet kërcënim vetëm për Evropën, por kërcënon paqen dhe sigurinë këtu në Evropë dhe në rajonin indo-paqësor dhe rajonin e Amerikës Veriore.”

Në fund, Sekretari i Përgjithshëm i NATO-s, Mark Rutte, tha se mbështetja për Ukrainën duhet të vazhdojë ndërsa Ukraina po përgatitet për atë që mund të jetë dimri i saj më i vështirë që nga viti 2022.”