Pas 11 vjetësh në pushtet kujtohet për pensionistët, Rama me Buxhetin 2025: Shpërblim deri 150 euro në fund të vitit

Çdo shqiptar normal e priti debatin për Buxhetin 2025 me shpresën se mirëqenia e tij do të shoh ditë më të mira por kur dëgjoi sot Kryeministrin Edi Rama të deklaroi se ekonomia shqiptare na qenka rritur me pothuajse trefish gjatë qeverisjes së kësaj mazhorance, dhe rrit pas 11 vjetësh pensionet me 4.1 për qind, debati bëhet më shumë se qesharak pa thënë Rama se është zgjerimi më i madh i një ekonomie në rajonin tonë dhe të shoqërohet me duartroktije frenetike nga një kabinet që nuk i la vend që nga viti 2013 kur erdhi në pushtet, asnjë eksperti që kishte mundësi të kontribuonte për këtë vend.

Dhe, kush i kishte faj Edi Ramës për këtë situatë si të rrogave ashtu dhe pensioneve! Opozita se nuk kishte vend për njeri tjetër!

“Kur ne morëm detyrën për të udhëhequr Shqipërinë, Prodhimi i Përgjithshëm Kombëtar ishte më pak se 10 miliardë euro. Sot është mbi 26 miliardë euro. Kjo do të thotë se ekonomia shqiptare është zgjeruar thuajse 3 fish. Ky është zgjerimi më i madh i një ekonomie në rajonin tonë,“ tha Edi Rama nga foltorja e parlamentit ku po disktuohet në parim projektbuxheti për vitin2025 pas sqaruar pse sot është më keq se në vitin 2013 me këtë rritje pothuajse trefish. Gjithsesi, ai vazhdoni si në Asamblenë e PS:

“Këto janë shifrat e patronazhistëve të institucioneve financiare ndërkombëtare”, deklaroi ai.

Kryeministri shtoi edhe se të ardhurat për frymë në Shqipëri janë 3-fishuar duke shkuar në 10 300 euro.

“Ishin 3 300 euro, sot janë 10 300 euro, pra 3-fish. Kjo është rritja më e madhe e të ardhurave për frymë në rajon. Dhe edhe këto janë shifrat e patronazhistëve të institucioneve financiare ndërkombëtare. Jo të miat,” tha Kryeministri duke kaluar me akuzat ndaj deputetëve të opozitës.

“Kur e kam paraqitur buxhetin e parë të shumicës sonë qeverisëse në këtë sallë, e vetmja gjë që nuk ka ndryshuar, janë ato që pamë në fillim të fjalës sime. Njëlloj. I gjithë fondi në dispozicion të shtetit për shërbimet e përgjithshme publike ishte 3.2 miliardë euro. Në buxhetin 2025 është 8.2 miliardë euro. Gati 3-fish. Asnjëherë, askush tjetër nuk e ka rritur buxhetin e shtetit, në njësinë e kohës, më shumë se sa gjysma e kësaj rritjeje. Dhe kjo për tu treguar zemërgjerë se përgjithësisht ka qenë shumë më pak,” tha Rama duke akuzuar opozitën se kur ishte në pushtet nuk paguante familjet me ndihmë ekonomike dhe personat me aftësi të kufizuar, raste këto vulnerabël që njohin rritjen për të cilin foli Kryeministri, përveç kujdesin për qenët që sot është vërtetë sa trifishi i grupit social që flet ai.

“Kur kam ardhur këtu në këtë sallë për të paraqitur buxhetin e parë, 168 574 persona me aftësi të kufizuar dhe 105 580 familje me ndihmë ekonomike prisnin prej muajsh pagesën e tyre. Sepse shteti ju kishte kthyer kurrizin, ishte kërrusur nga barra e borxheve,” tha ai duke mos folur se si kanë lëvizur këto shifra në krahasim me mandatin e kaluar por me vitin 2013 kur mori pushtetin.

“40 miliardë lekë ishte borxhi i asaj qeverie ndaj kompanive të ndërtimit dhe të shërbimeve. Shiritët e prerë për rrugët e reja që tregoheshin si rrugë të reja, por që në fakt ishin rrugë të lëna rrugëve, ndërkohë që kompanitë kishin ndaluar punën, sepse nuk i paguante askush. U desh të rimerren dhe të ndërtohen në pjesën më të madhe gjatë këtyre viteve, duke kthyer të gjitha borxhet e prapambetura për kompanitë.“

Foli si Rrapush Xhaferri dhe akuzoi opozitës me premtimet si Përrallat e Rrapushit!

“Të gjithë ata që kanë dalë në pension gjatë kësaj dekade përfitojnë pensione më të larta në bazë të kontributeve të derdhura gjatë viteve të punës dhe jo sipas vulës së rrumpallës antishtet të dekadave pararendëse kur qindra mijëra të tjerë pensionistë e pësuan në kurriz fatkeqësinë kombëtare të një qeverisje rrapa-zhgaba dhe i paguajnë sot e gjithë ditën asaj rrumpalle një kosto krejt të pamerituar.
Po kur na thonë Sudet dhe Rrapushët e asaj kohe, ju erdhi jehona edhe këtu sot, thonë ç’është ky pension social kaq i ulët? Pikërisht këta varrmihësit antishtet të pensioneve, ngrenë gishtin e akuzës ndaj nesh për nivelin e pensionit social, këta që në fakt i kishin përjashtuar për çdo e drejtë për pension të gjithë kategorinë e njerëzve që marrin pension social,” tha Edi Rama pa e kuptuar se çfarë është skema e pensioneve dhe si falimentohet ajo, por u mundua ti bind shqiptarët se çfarë trashëguan edhe pas 11 vjet qeverisjeje, pa ju thënë se çfarë trashëgoi qeverisja demokratike tetë vjet para këtij 11 vjetori.

“Rritëm me 300 mijë persona fondin kontribues, i cili është zgjeruar 3 fish sot nga 400 e ca milionë euro, janë të shkruara në gbuxhetet e mëparshme në 1.2 mld euro sot. Por sot ne kemi ende rezerva domethënëse si rezultat i rritjes domethënëse të pagave. edhe në sektorin privat jemi përqendruar për të rritur të ardhurat kontributeve falë edhe modernizimit të mëtejshëm të sistemit të gjurmimit digjital të aktivitetit të biznesit dhe një modeli të ri të inteligjencës artificiale që po testohet dhe do të futet shumë shpejt 24 orë në punë së bashku me microsoft!”

Dhe, ndonëse nuk e rriti asnjë lekë për asnjë pension nga viti 2013, meqë shkeli në vitin elektoral ai sot premton rritjen e pensioneve në mandatin e katër si pasqyrë e transformimit të boshtit të ekonomisë në këto vite të qeverisjes socialiste.

“Çdo kush që rreket t’i tundojë sot pensionistët me përrallat e Sudes dhe Rrapushit për t’i ngjitur pensionet në majën e dëshiruar me shpejtësinë e qilimit fluturues pavarësisht se e ka fytyrën komplet të zezë nga bloza e diskreditimit publik apo e ka të bardhë ngaqë s’ka shkelur një ditë akoma në kantierin e shtet ndërtimit, është vetëm një prurës fatkeqësie për rikthimin e këtij vendi pas në rrugën e piramidave dhe të agonisë pa shtet. Deri këtu ne kemi bërë për pensionistët jo gjithçka kemi dashur, por gjithçka kemi mundur. Tani që ekonomia po na jep mundësi të reja do të bëjmë çka askush jo vetëm nuk e bën dot, por as e ka haberin se si bëhet. Buxheti i ri është manifestimi më kuptimplotë i këtij dallimi.” tha Rama dhe pasi hapi thesin e premtimeve foli dhe shpërblimin e pranverës.

“Pensionistët me pension deri në 20 mijë lekë do marrin bonus 150 euro në fundvit, kurse ata me pension mbi 20 mijë lekë do marrin bonus 100 euro.

Ky bonus do të ndahet në dy shkallë: Të gjithë pensionistët që kanë një pension deri në 20 mijë lekë ose 200 euro do të marrin trefishin e bonusit të deridjeshëm, një bonus i ri prej 150 euro. Ndërsa, pensionistët që kanë një pension më të madh se 20 mijë lekë do të marrin dyfishin e bonusit të viteve të mëparshme, përmes një bonusi në masën 100 euro. Ky dallim mes të parëve dhe të dytëve nuk bëhet për t’u dhënë më pak atyre që kanë pension më të lartë, por për t’u dhënë më shumë atyre që kanë pension më të ulët!”

Bonusi i trefishtë do të përfitohet këtë fundvit nga më shumë se gjysmë milioni pensionistë. Saktësisht, 511 mijë, ku përveç 400 mijë e 500 gjysheve e gjyshërve, përfshihen edhe 65 mijë e 800 invalidë pune dhe 44 mijë e 600 përfitues pensionesh si nëna kryefamiljare apo fëmijë jetimë. Ndërsa, rreth 210 mijë pensionistë të tjerë do të përfitojnë nga bonusi i dyfishtë.
Më konkretisht, për të gjithë ata që marrin një pension social është i barabartë më një rritje vjetore të pensionit prej 13%. Për nënat kryefamiljare dhe jetimët sjell një rritje me 35% të pensionit mujor.
Paralelisht me bonusin e dy dhe trefishuar të fundvitit në ditët e para të dhjetorit do kemi bonusin e pranverës. Do ndikojë në rritjen e të ardhurave të pensionistëve dhe do të jepet në fillim të pranverës. Vetëm me këto dy bonuse vjetore plus indeksimin automatik të pensioneve pensionistët do ta prekin menjëherë rritjen ekonomike. Ndërkohë ne do të kemi gati vitin e ardhshëm dhe planin e ri të pensioneve në funksion të rritjes ekonomike i cili do të sjellë dhe të ardhura të tjera për pensionistët”.

Kryeministri Edi Rama nga foltorja po fliste për Buxhetin 2025 por meqë nuk kishte se çfarë të fliste edhe pse është vit elektroal, nuk mungoi retorika komuniste se Shqipëria që ata duan po bëhet hap pas hapi.

“Ne po e ngjisim Shqipërinë në majën e 2030 aty ku gjendet oborri i familjes së bashkuar evropiane dhe ku flamuri ynë kombëtar do të rreshtohet krah për krah flamujve të Evropës për të cilën ëndërruan breza të tërë shqiptarësh”.

Partia Socialiste e Shqipërisë ka një virtyt gjithmonë e më të fortë dëgjon, duron, lufton dhe në momentin e duhur ja u kthen të tëra ashtu siç i meritojnë,” tha Edi Rama pa thënë asgjë për Buxhetin e vitit 2025 ama nuk la gjë pa thënë ata të vitit 2014.

“Buxheti i parë që votuam në këtë sallë ishte pasqyra e një trashëgimie të errët qeverisëse dhe dritarja e një dite të re që nuk kishte zbardhur akoma. Ky buxhet i ri që do të votojmë në këtë fillimjave është pasqyra e një dekade arritjesh domethënëse për Shqipërinë, por është edhe dritarja prej ku shihet shumë qartë rruga drejt destinacioni historik.

Për këtë destinacion historik shqiptarët dhe duke përgatitur fjalën po më kujtohej që ua kam thënë gjithmonë drejtpërdrejt, sinqerisht, mblidheni mendjen se keq dolët këtë herë më keq do dilni herës tjetër, por pranverën e ardhshme do të japin me vendimin e tyre një gjykim që do të jetë më i miri historik për PS dhe më i merituari historik për këto mbeturina të një kohe që nuk kthehet më kurrë.”