Shoqëri e mykur në pushtetin e kalbur të Edi Ramës!
Nga mësuesit që godasin me shuplakë nxënësit në pushtetin e Saliut deri tek mësuesit që i shesin drogë nxënësve, shoqërinë nuk e ndanë një det i tërë por një shoqëri shqiptare që është mykur në pushtetin e kalbur të Edi Ramës!
I edukuar të dëgjoj Edi Ramën në rrjetet sociale se si po ecën përpara pushteti socialist dhe po ndërton vendin, dhe t’a rris fëmijën duke i mbyll gojën me celular edhe në djep, ky lloj elektorati me hapa të sigurt të rilindjes vazhdoi ta gërryej vendin duke ngritur kapacitete patronazhistësh për fitore në garat elektorale të radhës.
Kur në çdo cep të tokës shqiptare po mbinte kanabisi, shoqëria shqiptare vazhdoi ta dëgjoi Kryeministrin përmes rrjeteve sociale se si po përparon lufta kundër drogës dhe se gjithçka tjetër ishte propagandë e Saliut!
Ata që nuk paguanin drita filluan të arrestohen por denoncimi për arrestimin e debitorëve me fatura 2000 – 3000 lekëshe sërish u përgënjeshtrua nga pushteti i Edi Ramës përmes rrjeteve sociale; Dhe, kur u konfirmua se pikërisht për një faturë të këtij lloji një shqiptar vari veten, pushteti heshti ashtu siç heshti për amnistimin e debitorëve me fatura milionëshe që vazhdon të mos paguajnë as sot!
Dhe, ata që e besuan Edi Ramën se në Shqipëri nuk ka kanabis, filluan ta besojnë sërish Edi Ramën edhe kur iu tha përmes rrjeteve sociale se në Shqipëri nuk do të ketë më kanabis dhe ministri i Brendshëm, Saimir Tahiri do shkojë në burg!
Se sa i bindshëm është ky njeri të cilin ky llum shqiptar e beson tregoi dhe besimi në dhembshurinë që shfaqi në rrjetet sociale si për viktimat e tërmetit ashtu dhe ndëshkimin që do ju bëjë ndërtuesve të pallateve të shembura, ndihmat dhe menaxhimin e tyre me armikun e dukshëm, Zv/Kryeministrin Arben Ahmetaj! Për tu ndëshkuar vetëm ndërtuesit nuk u ndëshkuan ndërsa filloi rindërtimi model, fundin e të cilit ky lloj shqiptari e pa po në rrjetet sociale me dëshminë e Ahmetaj në rrjetet sociale ku akuzoi Ramën për kanabizim të vendit dhe shpërdorimi të detyrës edhe me inceneratorët!
Erdhi dhe armiku i padukshëm Corona! Shqiptarët filluan t’i lajnë duart pikërisht ashtu siç u thoshte Edi Rama në rrjetet sociale, të vënë maskën dhe të mos dalin ata të moshës së tretë as nga shtëpia për të blerë bukë; Të gjithë ata që dolën, u kontrabanduan sepse nuk kishin as moshën por as fëmijë që t’ju blejnë bukën e tyre të përditshme, për t’ju falë as që bëhej fjalë!
Dhe, siç erdhi ashtu dhe iku armiku i padukshëm nga Shqipëria, e Edi Rama përmes rrjeteve sociale arriti të bind edhe shtetasit e huaj se plazhet shqiptare janë pa Corona! Erdhën, panë dhe shkuan nga toka e shqipeve të kënaqur vetëm me çmimet ndërsa broçkullat për të cilat fliste Edi Rama nuk ia pa njeri dhe as që do i shohë ndonjëherë!
Për zgjedhjet në Mal të Zi i bëri thirrje shqiptarëve po përmes rrjeteve sociale ta votojnë Milo Gjukanoviçin ndërsa atyre në Maqedoni të Veriut, LSDM-në! Për fat të keq edhe këtu rezultoi se virusi shqiptar i rrjeteve sociale ishte shtrirë në trojet shqiptare dhe filluan ta konsiderojnë Edi Ramën edhe si lider të shqetësuar!
Shumë prej shqiptarëve u zhgënjyen për humbjen e Lulzim Bashës në zgjedhje vetëm për faktin e mesazheve që dëgjuan nga goja e Edi Ramës në rrjetet sociale, ndërsa ata që nuk e besuan liderin e shqetësuar socialist për pushtetin po përmes rrjeteve sociale, u bindën me rastin e Fredi Belerit, ndryshe përfundon në burg!
Kështu ndodhi dhe me qytetarët që e besuan Edi Ramën përmes rrjeteve sociale për përmbytjen e Shqipërisë nga turistët ndërsa shikonin plazhet bosh dhe Kryeministrin që mburrej me turizmin dhe miliona vizitorë që u futën për ta parë turizmin e premtuar nga Rama, heshtën!
Heshtën, ashtu siç heshtën pensionistët me rritje madhore prej 4.1 për qind që proklamoi Edi Rama përmes rrjeteve sociale, ndonëse si një punëtori koperative që do t’i rritej pensioni 400 lekë ashtu një ish-oficeri të Sigurimit 4000 lekë, çuditërisht të gjithë ishin të kënaqur!
Dhe, vazhdojnë të heshtin kur njëri ndër trafikantët më të mëdhenjë të kokainës në Evropë arrestohet në Gjermani e shqipet e malit vazhdojnë të jenë konsumatorë të kompanisë së tij “Banaking”, e cila vazhdon të jetë lider në importin e bananes në Ballkanin Perëndimor dhe nuk sekuestrohet nga Drejtësia e reformuar e Edi Ramës! Dhe, nuk hesht vetëm mileti por dhe mediat ku “Banaking” vazhdon e reklamon produktin e saj që deri në momentin kur u kap shërbeu për transportin e kokainës!
Por, ç’rëndësi kanë të ardhurat dhe pensionet dhe promovimi i kokainës, thonë shqiptarët, kur Shqipëria mori statusin e vendit kandidat për në BE dhe këtë lajm të madh e dha po përmes rrjeteve sociale, Kryeministri i Shkodrës, Himarës dhe gjithë Shqipërisë, Edi Rama!
Po, po, ky Kryeministër që vazhdon të paguaj miliona euro për inceneratorin e Tiranës që nuk ekziston, dhe nuk ka arsye të ekzistoj kur për lumturinë e popullit, ky pushtet u tregoi përmes rrjeteve sociale hoteletet e drejtorëve të Lali Erit që u arrestuan dhe tashmë shkojnë e rrufisin kafe në SPAK; Ashtu siç bënë dhe mjekët e Onkologjikut që tashmë janë të lirë të bëjnë gjithçka që u don kokrra e qejfit, ose atë që bënin edhe kur e kishin të ndaluar!
I lumtur edhe pse i përbuzur dhe vjedhur nga Edi Rama, ky popull edhe sot për të marrë çadrën nuk shef nga dritarja nëse po bie shi por Kryeministrin e tyre çfarë thotë në rrjetet sociale! Ashtu siç nuk shikon se sa para ka në xhep por Edi Ramën në rrjetet sociale për ti thënë se sa para kanë në kuletën e tij! E pse mos ta paguajnë karburantin më të shtrenjtë në Ballkan, kur Edi Rama e argumenton në rrjetet sociale pse plaçkitet ky popull që heshtjen e ka zët!
Dhe, së fundi, edhe për përgjegjësin e vrasjes së Martinit 14 vjeçar para portës së shkollës nuk vuri njeri gisht pa fol Edi Rama! U vërtitën rreth policit që vuri Taulanti, drejtorit të pakujdesshëm të shkollë fillore Fan Noli, ambulancës që u vonua, dorasit pa edukatë dhe prindërve të papërgjegjshëm, si dhe shitjeve të pakontrolluara online edhe të armëve, deri sa ia behu Edi Rama para Kryeministrisë, dhe, ai i cili u lind dhe u rrit nga hiri i rrjeteve sociale lëshoi kumtin për mbylljen e rrjetit social Tik Tok:
“Dilema jonë si qeveri është nëse duhet të provojmë dhe ne të ecim në drejtim të vendosjes së filtrave kur në fakt nga eksperiencat e deritanishme mësojmë se efektiviteti i tyre është shumë i ulët, ndërkohë që dhuna vetëm rritet apo të ndërmarrim një masë drastike për mbylljen e plotë të Tik Tok-ut edhe pse jo të snapchatit në Republikën e Shqipërisë,” tha kreu i pushtetit të kalbur, Edi Rama, me mesazh të qartë i cili u kuptua ashtu sikur se në rastet tjera nga ky popull i mykur që e miratoi me eufori dhe nuk mori guximin t’i thotë as pyetjes më thelbësore ndërsa pret zgjidhjen e kësaj dileme hamletiane, që sigurisht nuk do të zgjidhë asgjë:
Deri në vendimin për mbylljen e Tik Tokut, pse nuk mbyll profilin e Partisë Socialiste në këtë rrjet social, meqë, Ju, Edi Rama, jeni i qartësuar se Tik Toku thith në labirintet e tij, çdo ditë fëmijët tanë!
