Një avion i DHL rrëzohet në një shtëpi pranë aeroportit, një i vdekur dhe 3 të plagosur

Një i vdekur dhe tre të plagosur është bilanci i fatkeqësisë ajrore, kur avioni i mallrave të kompanisë DHL ra mbi një shtëpi me rastin e aterrimit në Aeroportin e Vilniusit në Lituani.

Linja ajrore drejtohej nga aviokompania SWIFT, ndërsa avioni i tipit Boing 737-400 ishte nisur nga qyteti gjerman Leipzig. Avioni ra mbi një shtëpi pranë aeroportit rreth orës 05:30 të mëngjesit të sotëm, tha zëdhënësi i Qendrës Kombëtare të Menaxhimin e Krizave. Të gjithë njerëzit në shtëpinë mbi të cilën ra avioni shpëtuan, bëri të ditur zëdhënësi.

Shërbimi i kërkim-shpëtimit bënë të ditur se avioni ka aterruar në pistë por ka rrëshqitur të paktën 100 metra duke goditur një objekt ku ishin 12 njerëz. Nga kjo shtëpi janë evakuuar që të gjithë 12 banorët e saj, është shprehur policia.

Shkaku i fatkeqësisë po hetohet. Zjarrfikësit kanë ardh menjëherë në vendin e ngjarjes ashtu si dhe ambulanca ndërsa rrugët pranë aerportit janë mbyllur për trafik.

Zëdhënësi i Qendrës Kombëtare të Menaxhimin e Krizave përjashtoi çdo mundësi që mund të ketë lidhje një shpërthim para kësaj fatkeqësie

“Për momentin nuk kemi të dhëna se ka ardhur deri te shpërthimi.”