Organizatë kriminale ndërkombëtare, GJKKO me 21 masa sigurie për gjyqtarë, oficer policie, avokat dhe gazetarë

Si rezultat i hetimit të një organizate kriminale me shtrirje ndërkombëtare, me kërkesë të Prokurorisë se Posaçme kundër Korrupsionit dhe Krimit të Organizuar, SPAK, Gjykata e Posaçme e Shkalles së Parë për Korrupsionin dhe Krimin e Organizuar, GJKKO, ka caktuar masat e sigurisë për 21 persona, prej të cilëve 18 arrest me burg, 1 arrest në shtëpi dhe 2 gazetarë me detyrim paraqitje.

Operacioni për ekzekutimin e masave të sigurisë ku përfshihen anëtarët e  organizatës kriminale, një zyrtar i lartë policie, një gjyqtar në detyre gjatë kryerjes së aktivitetit kriminal, një avokat dhe dy gazetarë, po mbështetet nga Europol dhe agjencitë e tjera ligjzbatuese shqiptare dhe evropiane.

Masat e caktuara të sigurisë janë:

Arrest me burg –  18 persona (përfshirë ish gjyqtarin dhe zyrtarin e lartë të policisë së shtetit);

Arrest në shtëpi –  1 avokat;

Detyrim paraqitje në policinë gjyqësore –  2 gazetarë.

Ndryshe, për operacionin i cili është në vijim, Prokuroria e Posaçme kundër Korrupsionit dhe Krimit të Organizuar pritet që nesër të publikojë detajet rreth këtij hetimi për organizatën kriminale me shtrirje ndërkombëtare.