Parashikimi i motit, për datë 23 Dhjetor, ja çfarë pritet

Parashikimi i motit, për datë 23 Dhjetor:

Sot priten reshje reshje intensive deri lokalisht shumë intensive në qarqet Vlorë dhe Gjirokastër, reshje intensive në qarqet Shkodër, Kukës dhe Dibër ndërsa qarqet e tjerë priten reshje mesatare deri lokalisht intensive të shoqëruara me shtrëngata.

Në Veri, Lindje dhe Juglindje në lartësitë mbi 400 m nga niveli i detit reshjet do të jenë në formë dëbore.

Shtrëngatat dhe intensiteti i lartë i reshjeve, për momente të shkurtra, mund të krijojnë probleme të ndryshme, si dhe vërshime të ujit në zonat urbane, në varësi të sistemit të kanalizimeve në të gjitha qarqet.

Dëbora dhe Ngrica

Reshjet e dëborës, parashikon Instituti i Gjeoshkencave, pritet të përfshijnë zonat Verilindore, Lindore dhe Juglindore të territorit. Reshjet e dëborës të pasuara nga ulja e ndjeshme e temperaturave dhe ngricat mund të krijojnë probleme të ndryshme dhe vështirësi në transportin rrugor.

Era pritet të fryjë e lehtë deri mesatare, ndërsa në bregdet pritet të fryjë e fortë.

Temperaturat minimale dhe maksimale:

Në bregdet: 7 / 13 °C

Në vendet e ulëta: 4 / 12 °C

Në vendet malore: -4 / 4 °C