Seuli: Korea e Veriut po përgatitet të dërgojë më shumë trupa dhe armë në Rusi

Shtabi i Përgjithshëm i Koresë së Jugut tha sot se ka shenja se Korea e Veriut po përgatitet të dërgojë më shumë trupa dhe armë për të mbështetur luftën e Rusisë në Ukrainë.

Armët shtesë që po përgatiten përfshijnë dronë kamikaz dhe Korea e Veriut ka dërguar tashmë raketahedhës dhe artileri në Rusi, thuhet në një deklaratë të këtij shtabi.

Sipas Koresë së Jugut, Shteteve të Bashkuara dhe Ukrainës, Korea e Veriut ka dërguar tashmë rreth 12.000 trupa në Rusi.

Sipas Shtabit të Koresë së Veriut, të paktën 1,100 nga koreano-veriorë janë vrarë ose plagosur.

Ushtria e Ukrainës tha sot se rrëzoi 47 dronë që forcat ruse i hodhën në sulmet gjatë natës duke synuar zona të shumta të vendit.

Forcat ajrore ukrainase thanë se Rusia hodhi gjithsej 72 dronë në raundin e saj të fundit të sulmeve të përditshme ajrore.

Mbrojtja ajrore ukrainase tha se rrëzoi dronët mbi rajonet Cherkasy, Chernihiv, Kharkiv, Khmelnytskyi, Kyiv, Odesa, Poltava, Sumy dhe Zhytomyr.

Guvernatori i qytetit Khmelnytskyi Serhii Tiurin tha në rrjetin Telegram se sulmet me dronë dëmtuan një biznes dhe disa shtëpi dhe plagosën një person.

Ministria ruse e Mbrojtjes e Rusisë tha sot se shkatërroi një dron ukrainas mbi rajonin Bryansk, i cili ndodhet përgjatë kufirit Rusi-Ukrainë.

Guvernatori i rajonit Bryansk Alexander Bogomaz, tha në rrjetin Telegram se nuk kishte raporte për dëme apo viktima nga sulmi ukrainas./VOA/