Dy standarde, PD: Kompanitë e personave të arrestuar marrin fonde nga paratë publike

Partia Demokratike përmes zëdhënëses së Antikorrupsionit në PD, Genta Vangjeli, ka denoncuar sot institucionet shtetërore që menaxhojnë fondet publike të shqiptarëve që vazhdojnë e punojnë me dy standarde, ku me njërën dorë e dënojnë krimin e më tjetrën vijojnë ta ushqejnë atë me para publike.

“Gjatë operacionit ‘Coast to coast’, u vunë në pranga dy shtetas nën akuzën se gjatë periudhës 2021-2022, bashkëpunuan për të krijuar kompani fiktive, nëpërmjet të cilave transferuan rreth 11 milion euro me burime kriminale nga shtete që konsiderohen si ‘parajsa fiskale’ si Qipro, Gjibraltari dhe Malta, fillimisht në Shqipëri, më pas në Kanada,” thekson Genta Vangjeli duke sjellë dëshmi për kompaninë aktive “Xpert systems shpk” ku pronar zyrtar deri 1 Mars 2021 ka qenë njëri nga shtetasit aktualisht nën masën “arrest me burg” ndërsa në periudhën 2019-2024 ka përfituar 1.6 milionë euro nga institucione shtetërore përfshirë Drejtorinë Rajonale Tatimore Tiranë, Shërbimin e Kontrollit të Brendshëm në MB, Drejtorinë e Policisë Vendore Elbasan, Gjykata e Rrethit Tiranë, Kolegji i Posaçëm i Apelimit, Autoriteti Kombëtar për Certifikimin Elektronik dhe Sigurinë Kibernetike etj.

Ndërkohë, thekson zëdhënëses së Antikorrupsionit në PD, Genta Vangjeli duke bërë publike dhe dokumentet, “INFORMATION BUSINESS SYSTEMS –IBS shpk” është kompania tjetër ku pronar aktiv vijon të jetë i njëjti shtetas i cili me anë të kësaj kompanie përfitoi 463 mijë euro nga Drejtoria e Përgjithshme e Parandalimit e Pastrimit te Parave, Aparati i Drejtorisë së Policisë, Prokuroria e Posaçme Kundër Korrupsionit dhe Krimit të Organizuar etj. ndërsa përfundon:

“Këto kompani po vijojnë të përfitojnë kontrata publike!”

Deklaratë:

Gjatë operacionit ‘Coast to coast’, u vunë në pranga dy shtetas nën akuzën se gjatë periudhës 2021-2022, bashkëpunuan për të krijuar kompani fiktive, nëpërmjet të cilave transferuan rreth 11 milion euro me burime kriminale nga shtete që konsiderohen si ‘parajsa fiskale’ si Qipro, Gjibraltari dhe Malta, fillimisht në Shqipëri, më pas në Kanada.

‘Xpert systems shpk’ është njëra nga kompanitë aktive ku pronar zyrtar deri 1 Mars 2021 ka qenë njëri nga shtetasit aktualisht nën masën e ‘arrestit me burg’.

Sipas Spending Data kjo kompani për 2019-2024 ka përfituar 1.6 milion euro nga institucione shtetërore përfshirë Drejtorinë Rajonale Tatimore Tiranë, Shërbimin e Kontrollit të Brendshëm në MB, Drejtorinë e Policisë Vendore Elbasan, Gjykata e Rrethit Tiranë, Kolegji i Posaçëm i Apelimit, Autoriteti Kombëtar për Certifikimin Elektronik dhe Sigurinë Kibernetike etj.

‘INFORMATION BUSINESS SYSTEMS –IBS shpk’ është kompania tjetër ku pronar aktiv vijon të jetë i njëjti shtetas. 

Sipas Spending Data me anë të kësaj kompanie u përfituan 463 mijë euro nga Drejtoria e Përgjithshme e Parandalimit e Pastrimit te Parave, Aparati i Drejtorisë së Policisë, Prokuroria e Posaçme Kundër Korrupsionit dhe Krimit të Organizuar etj.

Këto kompani po vijojnë të përfitojnë kontrata publike.

Partia Demokratike kërkon nga institucionet shtetërore përgjegjshmëri në menaxhimin e fondeve publike të shqiptarëve duke hequr dorë nga dy standardet e zakonshme ku me njërën dorë e dënojnë krimin e më tjetrën vijojnë ta ushqejnë atë me para publike.