Los Angeles në flakë: “Zjarrfikësit më nuk bëjnë përpjekje ti shpëtojnë shtëpitë”!
Zjarri i cili ka shpërthyer në Los Angeles tashmë që ka tejakluar edhe parashikimet është jashtë kontrolit në pjesën luksoze të këtij qyteti duke shkaktuar kaos me 30 mijë njerëz të evakuar, trafik të bllokuar, dhe lëvizje të njerëzve nëpër shtëllunga tymi. Ndërkohë mëngjesin e sotëm konfirmohet se në zonën e Pacific Palisades, në mes të Santa Monica dhe Malibu janë djegur 510 hektarë.
Zyrtarët lokalë theksojnë se kanë paralajmëruar për rrezikun ekstrem nga zjarri për shkak të erërave të forta që erdhën në pikun e thatësirës së dhe mungesës së shiut.
Dëshmitarët flasin për një numër të madh të shtëpive që janë përfshirë nga flakët, makina të djegura ndërsa ata kanë ikur përmes kanionit Topanga derisa zjarri po zgjerohej nga Oqeani Paqësor.
Kapitenia e Shërbimit Zjarrfikësve në Los Angeles, LAFD, Sheila Kelliher, tha për CNN se ka kohë që nuk kishte parë zjarr të tillë ekstrem.
“Pas kësaj qëndrojnë erërat e paparashikuara,” tha Kelliher, duke shtuar se kushte të tilla kishte parë rrallë në 25 vjet të shërbimit të saj.
Duke raportuar nga automjeti në plazhin e Rogers Beach, sqaroi se zjarrfikësit po përdorin parkingjet buzë rrugës si vende qëndrimi, pasi që erërat po përhapin zjarrin i cili filloi që nga oqeani.
Kelliher duke përshkruar këtë tërbim të zjarrit tha se flakët pasi prekën plazhin, djegën një kullë shpëtimi, erërat krijuan një situatë ku dukej sikur po binte borë, por në fakt bëhej fjalë për hirin dhe tymin.
Prioritet, tha ajo, është siguria e qytetarëve, dhe i bëri thirrje të gjithë atyre që janë në zonën e zjarrit, që ti përmbahen urdhërave për evakuim.
“Lufta është reale. Mund të fitojmë, por disa pjesë tashmë janë humbur” përfundoi Kelliher.
Shelby Kidman, e cila ndodhej në këto momente tmerri në avionin i cili po fluturonte mbi zonën e përfshirë nga zjarri në Palisades, filmoi stuhinë e zjarrit.
View of the #PalisadesFire from my flight coming into lax pic.twitter.com/SwgbO7Tdrk
— shelby (@ShelbyKidman) January 8, 2025
Për CNN, Shelby Kidman sqaroi se video është filmuar deri sa avioni i saj nga Salt Lake City po i afrohej Aeroportit të Los Angeles.
Gazetari i CBS, Jonathan Vigliotti, tha se zjarrfikësit më nuk po bëjnë përpjekje të shpëtojnë shtëpitë dh eobjektet tjera, por, po punojnë në parandalimin e zgjerimit të zjarrit.
Ndryshe, para shpërthimit të zjarrit, Shërbimi Meteorologjik Kombëtar kishte dhënë paralajmërimin më të lartë për zjarre ekstreme për pjesën më të madhe të Qarkut Los Angeles nga dita e martë deri të enjten, duke parashikuar dhe goditjen nga erërat e forta. Me lagështi të ulët dhe mungesë të reshjeve të shiut, autoritetet folën për kushte shumë të rrezikshme.
Aktualisht, sipas PowerOutage.us, duke filluar nga ora 21:15, sipas orës lokale, 184.400 konsumatorë në qarkun Los Angeles janë pa energji elektrike.
