Egjipt, Jordani ose Shqipëri, ministrat arabë kundërshtojnë zhvendosjen e palestinezëve

Ministrat e Jashtëm arabë kundërshtuan sot zhvendosjen e palestinezëve nga toka e tyre në çdo rrethanë apo justifikim, duke mbajtur një qëndrim të përbashkët kundër thirrjes së presidentit amerikan Donald Trump që Egjipti dhe Jordania të pranojnë banorët e Rripit të Gazës, raporton Agjencia e lajmeve Reuters.

Në një deklaratë të përbashkët pas një takimi në Kajro, ministrat e jashtëm dhe zyrtarët nga Egjipti, Jordania, Arabia Saudite, Katari, Autoriteti Palestinez dhe Liga Arabe shprehën gatishmërinë e tyre për të punuar me administratën Trump për të arritur një paqe të drejtë dhe gjithëpërfshirëse në Lindjen e Mesme, bazuar në një zgjidhje me dy shtete.

Por, ky qëndrim i shefave arabë të diplomacisë vjen edhe pas lajmit mbi zhvendosjen e mundshme të 100 mijë palestinezëve nga Rripi i Gazës në Shqipëri, për të cilën janë zhvilluar negociata edhe me Kryeministrin Edi Rama, për të cilin sot Reuters nuk flet por mediat tjera nuk heshtin.