Në Veri të Mitrovicës sulmohen tre policë, arrestohen 6 persona

Policia e Kosovës ka bërë të ditur se ka arrestuar 6 persona në dyshimin për veprën  penale “sulm ndaj personit zyrtar”.  

Arrestimi i të dyshuarve, thekson Policia e Kosovës, është bërë mbi dyshime të arsyeshme për përfshirje në një rast përleshje mes tyre që ka ndodhur me datë 25.02.2025 në rrugë “Kral Petri” në Mitrovicë të Veriut, përkatësisht para kafenesë “Tre sheshira”.

“Pas ndërhyrjes se njësisë patrulluese për ta ndaluar rrahjen të dyshuarit fillimisht i kanë ofenduar e më pas edhe i kanë sulmuar zyrtarët policorë, ku tre (3) zyrtarë policorë kanë pësuar, lëndime trupore të cilët kanë pranuar trajtim mjekësor,” thekson Policia e Kosovës përmes një njoftimi.

Të arrestuarit janë: N.N. 24 vjeçar; N.N. 26 vjeçar; A.B. – 28 vjeçar; A.B.- 30 vjeçar; I.R. – 24 vjeçar; B.D. – 19 vjeçar.

“Duke u treguar profesionale në kryerjen e detyrave, policia ka ndërmarr te gjitha veprimet e nevojshme ku të dyshuarit pasi janë arrestuar janë sjellë në stacion policor ku ju është bërë matja me alkool test dhe të njëjtit kanë rezultuar se janë nën ndikim të alkoolit si më lartë, gjithashtu të gjithë të dyshuarit  kanë pranuar trajtim mjekësor,” shprehet Policia e Kosovës përmes rrjetit social Facebook duke përfunduar:

“Të gjitha veprimet e ndërmarra i janë paraqitur prokurorit të rastit, ku gashtë (6) personat e dyshuar me vendim të prokurorit u është caktuar masa e ndalimit për 48 orë.”