Pse filantropi Soros prodhoi vetëm mizantrop rilindas!
nga Agim Popoci
Në çdo rast që Sali Berisha flet për George Soros, bëmat e tij kriminale në Shqipëri dhe shpalljen “non grata” sapo PD të vijë në pushtet, mediat në shërbim të Edi Ramës nxjerrin një foto të takimit të Presidentit Berisha me filantropin Soros nga epoka e sapunit të Rrogozhinës!
Sot kur Edi Rama nuk e ka Enver Hoxhën ku ta puth, kur ndalohet varja e poetëve me vendim gjykate, kur nuk vjedh më ikona dhe nuk përdor më as sapun Rrogozhine, ai vazhdon dhe i përkulet George Soros, ashtu si dhe ai hajduti i tij i Bashkisë Tiranë nga burgu që mburret me këtë njeri filantrop se na qenka edhe miliarder, mbrapa tyre shohim një tufë rilindase që ju shkon pas dhe çuditërisht përveç se komunistë janë dhe mizantrop!
Si prodhon një filantrop një armatë të tërë mizantropësh që në kor urrejnë demokratët, opozitarët, NATO-n, liberalizimin e vizave, Rrugën e Kombit, malokët, alpinët, druvarët, bufët e deri te këneta?!
Ky është sot shqetësimi real shqiptar dhe jo kapitali i George Soros, kur President i SHBA është Donald Trump ka kush merret me paratë e këtijë hajni, e thënë në gjuhën e kreut të SPAK, hajdut intelektual!
George Soros nuk mund të fajësohet pse u gjet në momentin dhe vendin e duhur kur ra komunizmi, pse kolapsoi paundin britanik, nxitjen e krizës ekonomike malajziane, kineze e japoneze, shkatërrimin e bankës tajlandeze etj. Por, viktimat në njerëz që këto kriza lanë pas dhe fajtori ishte një dhe vetëm një, George Soros!
WikiLeaks na mëson se George Soros shkaktoi krizën e emigrantëve në Evropë, rolin në fushatën elektorale të kandidates për President Hillary Clinton, metodologji që i gjejmë edhe në fushatat e Partisë Socialiste të Edi Ramës, ku blerja e votës sot është rruga e vetme drejt fitores!
Soros nuk mund të akuzohet pse arriti që “Shoqërinë e Hapur” ta bëjë dhe ideologji përveç se kapital, por për mënyrën kriminale si e rriti këtë kapital!
Filantropi Soros i Edit dhe Lalit, nuk është se nuk e dinë që filantropia është dashuria ndaj njerëzimit, nuk është se nuk i njihte vuajtjet e shqiptarëve kur shkeli në tokën shqiptare, por çuditërisht njeriu që ka një rol të rëndësishëm në tranzicionin shqiptar dhe jo vetëm, gjithë të djathtën e kishte dhe e ka armike ashtu si dhe në gjithë bllokun lindor!
Shpesh është dëgjuar të flas për nevojën që të pasurit duhet të paguajnë më shumë tatim, ide që është dëgjuar nga goja e Edi Ramës kur filloi betejën për të rrëzuar Saliun, por me të ardhur në pushtet, oligarkët shqiptar janë ata që paguajnë më së paku tatim në shtetin e Edi Ramës!
Ky kriminel fiskal që Edi e Lali e quajnë filantrop, kërkoi vrimën në ligj dhe e gjeti, dhe, në vitin 2013 ai kishte plotë 13.3 miliardë dollarë të Fondit Soros që nuk kishte paguar tatim, ishte njëra nga konstatimet e regjistrit të Rregullatorëve Irlandez, raportonte Bloomberg, ndërsa Kongresi amerikan e mbylli këtë vrimë urdhëroi që deri në vitin 2017, biznesmenët si Soros ta likuidojnë borxhin, ku atij i takonte të paguaj 6.7 miliardë dollarë!
A e ka paguar?! Pse duhet ta paguante, transferoi lekët në Irlandë dhe vazhdoi të fuste hundët në politikën amerikane, e donte për President Clintonin e më pas Bidenin dhe shkaktonte kriza aty kishte qetësi!
Edhe legjenda se ishte çifut i ra shpejtë pasi u zbulua se edhe kundër Izraelit kishte financuar grupe terroriste! Filantropi! Po, po, ky që veten e quan “filantrop” dhe drejton “Shoqërinë e Hapur” e cila e shpëtoi dhe la të lirë edhe avokaten Lynne Stewart pasi u kap duke komunikuar me grupet terroriste Al Gama’a dhe Al Islamiyya si ndërlidhës me predikuesin e urrejtjes Omar Abdel Rahman i cili nxiti bombardimin e Qendrës Botërore Tregtare në vitin 1993 ku mbetën të vrarë mbi 1000 njerëz!
Ajo u dënua në vitin 2005 se kishte ndihmuar terroristët dhe në vitin 2013 u la e lirë për shkaqe mëshire! Ose më mirë të themi sorosiste!
Fondacioni i Sorosit “Shoqëria e Hapur” ka shpenzuar plotë tetë vjet për ta kthyer Amerikën kundër Izraelit, ka financuar Grupe për të drejtat e Palestinezëve, gazeta liberale izraelite, OJQ etj. që të flasin për krime lufte të izraelit disa prej të cilave u bënë publike në vitin 2010!
E çka mund të bënte në Shqipërinë e varfër, do thonë shumë shqiptarë! George Soros, këtë lloj kategorie njerëzish e ka përdorur! Protestat kundër NATO-s në Tiranë, kur çdo shtet që pranohej e përdorte si reklamë turizmi për vend të sigurt, është turpi më i madh që ka organizuar “Shoqëria e Hapur” në këtë vend!
Sot Edi Rama mund të flas për Saliun që e la Shqipërinë “kashtë e koqe” por si e bëri këtë vend Rama me Lali Erin ende pa e marrë pushtetin për t’i vjedhur edhe kashtën!
Kur u paralajmërua liberalizimi i vizave dhe pritej vetëm konfirmimi i Këshillit Evropian, të gjitha mediat që financonte Soros në kor filluan të raportojnë se si do të nisen shqiptarët drejtë Evropës sapo të merret ky vendim! Vendimi u shty për çështje banale kur edhe Serbisë iu miratua liberalizimi i vizave, dhe vetëm pas gjashtë muajve u konfirmua se kjo armë propagandistike ishte thjeshtë një flluskë sorosiste që vetëm pjella e njerëzve që rrinë afër Edi Ramës mund ta propagandojë!
“Griselda” mund të shpikej nga koka e një mizantropi si Lali Eri, por që ky trillim të raportohej në Parlamentin Evropian, se në Shqipëri pushteti i Sali Berishës rrëmbeu gruan shtatëzanë të kryeministrit socialist të Kavajës, dhe i hoqi foshnjen, kjo nuk mund të ndodhte kurrë! Ja që ndodhi, Policia e Shtetit e zbuloi se ishte trillim, Griselda Roshi e pranoi por as Lali Eri që shkroi emailin, as eurodeputetja slovene Tanja Fajon që nxori nga goja këtë gënjeshtër në PE, dhe, as Shoqëria e Hapur me Sorosin nuk i kërkuan falje qeverisë shqiptare dhe Kryeministrit Sali Berisha!
Rruga e Kombit është një tjetër gjurmë që la “Shoqëria e Hapur” vulosur nga Edi Rama për “rrugën e asgjëkundit” ndonëse ajo u bë burimi kryesor i të ardhurave të atij shteti që filloi ta qeverisë në vitin 2013!
Vit i zi për shtetin shqiptar, që nuk dihet se edhe sa vite do ti duhet ta marr veten vetëm Drejtësia, pasuar me Blegtori, Bujqësi dhe Industri Prodhuese që i shkatërroi projekti i kësaj familje kriminale, Ballkani i Hapur!
Kur rrënimi filloi me Gjykatën Kushtetuese, ende pa u zbuluar dora kriminale e Sorosit, u kuptuan qëllimet e këqija të Reformës në Drejtësi e cila nisi me arsyetimin e krizës që kishte përfshirë Gjykatën e Apelit!
Ditët e para të Vettingut ishin ditët kur u konfirmua zyrtarisht sundimi i mizantropizmit që kishte prodhuar filantropizmi i George Soros! Mbi 80% të gjyqtarëve dhe prokurorëve nga veriu i Shqipërisë u flakën në rrugë, 90% e demokratëve dhe atyre që vinin nga shtresat e të përndjekurve politikë, dhe 100% e atyre që nuk pushuan së deklaruari se komunizmi është krim!
Fotoja që mediat serbe bënë publike ku Alex Soros kishte vënë në rresht zbatuesit e projektit “Ballkani Hapur” Ramaa-Vuçiç-Dimitrov nuk tregonte vetëm sundimin e kësaj familje në Shqipëri, Serbi dhe Maqedoni të Veriut por rreziku që po i kanosej gjithë Ballkanit Perëndimor, aty ku i ati i Alexit kishte vënë dorë që nga fillimi i shpërbërjes së Jugosllavisë e deri në përmbytjen e Evropës me refugjatë!
Degjenerimi i Ambasadës së SHBA në Tiranë nga po ky Soros, dhe fillimi i ngjizjes së opinionit antiamerikan tek shqiptarët ishte alarmi i fundit për të shpëtuar çfarë mund të shpëtohet, nga rreziku më i madh që kishte ideuar kjo kokë e mbrapsht dhe po zbatohej nga mizantropët e tij në Shqipëri!
Por, asgjë nuk ndaloi, erdhi dhe SPAK si shpikja më e rëndë që goditi shoqërinë shqiptare si në shpërbërjen e sistemit politik ashtu dhe krijimin e një vendi pa opozitë; Ndërsa zbulimi i Vendimit të kësaj Prokurorie të Posaçme të përgjoj dhe gjyqtar të Gjyktaës Kushtetuese, tregon se deri ku guxuar të shkojë mizantropizmi i filantropizmit të George Soros!
Sot, kur President i SHBA nuk është më ai që e solli George Soros por Donald Trump që i shpëtoi tre atentateve në fushatë zgjedhore dhe i shpalli luftë të hapur këtij Fondacioni kriminal, kur Edi Rama filloi retushimin e të kaluarës por Alex Soros nuk po e lë të qetë duke i publikuar foto nga historia e tyre e errët, kur në krye të Departamentit të Shtetit dhe FBI erdhën armiqtë më serioz të kësaj Familje kriminale që vetëm familje të njerëzimit nuk njeh, dhe, kur me dekret të Presidentit të ri në Amerikë nuk ka më Prindi 1 dhe Prindi 2 që i shpiku Soros por vetëm dy gjini që i ka falë Zoti, shqiptarët kanë vetëm një shpresë nga kjo kastë mizantropësh që nuk kanë kufi ashtu sikur se krijuesi i tyre:
Për Shqipërinë me ose pa Sorosin, më 11 Maj 2025, vendosin vetë shqiptarët!
