Drejt 11 Majit më afër Pesës, Rama: Burrat, gjysmën e trurit me ujë kënete, sepse kanë bindje të djathta!

Sa më afër dita e votimit, 11 Maji, Edi Rama aq më shumë i afrohet Pesës! Fjalori që përdor në tubimet elektorale tashmë ka shqetësuar edhe Sigurimin e Shtetit i cili deri më sot e kuptoi Kryeministrin që ka vënë në detyrë se gjysma e meshkujve edhe mund të janë çyrykë nga torturat 80 vjeçare të këtij regjimi, por u doli nga kontrolli me këtë ujë kënete sepse nuk kishin se ku ta marrin në Mirditë, Spaç, Qafë Bari e Tepelenë, aty ku lanë shumë shqiptarë të gjymtuar!

Por, ky është për fatin e zi të shqiptarëve Kryeministri i cili edhe nga Maliqi nuk jep shenja normalizimi!

“Burrat gjysmën e trurit e kanë me ujë, me ujë kënete, por ama e kemi thjeshtë llogarinë, gjysmën e burrave, shumicën e grave dhe të rinjve, jemi yhy ku e ku.

Ama se do ua them sot, gratë dhe vajzat i ftoj në pallatin e sportit, do ua them në sy grave kanë mision të madh. Nëse Shqipëria sot është afër BE, arsyeja është që jo forcë politike, mbështetjen kryesore e ka tek gratë.

Ju burrat nëse jeni të mençur, se të mençur jeni përderisa jeni këtu me ne, e dini më mirë sa unë këtë punë.

Imagjinoni se çdo ndodhte në Maliq sikur të tëra gratë të iknin një muaj e t’ju linin juve këtu me Gëzimin, të tërë do i kishit leshtë deri këtu (Tregon kraharorin) dhe do vinit vërdallë, vetëm bishti do ju mungonte, të parruar, të palarë, të pangrënë, komplet të mbaruar po shyqyr që keni zonjat, vajzat që mbajnë shtëpinë pastër dhe ju mbajnë ju, pastaj ju bëni punën tuaj këtë nuk ua mohon njeri,” thotë ky dhunues i grave që vazhdon të jetë i bindur se 56 për qind e grave e mbështesin ndërsa burrat janë çyryk.

“Si mund të shkohet në kënetë çfarë ka atje se më treguan një video pak më parë, një deputet këtu i kënetës një Fidel Fidel, hajde hajde, hajde mendje hajde, hajde muhabete hajde, hajde çyryk hajde.

Por kur thonë Rama ofendon burrat se u thotë çyryk, e them unë po prit, unë them kështu PS nuk mundet dot, është e kotë, sepse PS e mbështesin 56% e grave dhe vajzave të Shqipërisë.

Ndërkohë që tek burrat jemi më ngushtë në diferencë me kënetën sepse gjysma e burrave nuk janë mirë, mund të jenë në rregull në punën e përditshme, dalin shkojnë, ja ai i farmacisë atje më duket se është i PD-së, shet ilaçet, është në rregull, por po hyri tek politika është çyryk ai nuk sheh, nuk kupton. Do kënetën ai është çyryk, më pëlqen sepse ngrihen ata deputetët dhe thonë s’jemi çyryk, por si mund ta thotë “ai që thotë nuk jam, vetëm çyryk është”.

Dhe, pas gjithë këtyre idiotsirave që nxori nga goja, Edi Rama tregoi skepticizëm edhe për anëtarësimin në BE për të cilin anëtarësim tregoi aq shumë përralla.

“Më besoni motra e vëllezër se kush thotë që “Evropa është aty dhe ne do të bëhemi pjesë e saj se nuk ka lidhje kush fiton këtu, nuk kupton fare se çfarë thotë ose nuk thotë të vërtetën”

Sot për arsye që nuk anë të bëjnë vetëm me ne por kanë të bëjnë edhe me Evropën, janë përputhur dëshirat dhe vullneti në një moment, jo vetëm ne duam të hymë në BE, por edhe BE do të na marrë brenda. E kemi bërë të gjithë punën tonë për të qenë gati,” tha Edi Rama duke mos sqaruar arsyet por duke u lëshuar me këmbë në tokë:

“Hapja e derës sot ka ardhur si rezultat i fatit që ne jemi gati, por edhe ata janë gati. Duan të japin mesazh që Evropa po unifikohet. Duhet të bëjmë pjesën tonë, por që ta kapërcejmë pragun dhe të hyjmë në sallon kryesor, duhet të mbyllim negociatat. Edhe dy vite kohë ka, por kini parasysh që negociatat zhvillohen mes dy palësh.”