Afganistan, pranë autobusit shpërthen një bombë, 11 të vdekur dhe 30 të plagosur

Njëmbëdhjetë persona kanë mbetur të vdekur dhe  më shumë se 30 janë plagosur kur pranë një autobusi në perëndim të Afganistanit ka shpërthyer një bombë.

Zëdhënësi i policisë në krahinën perëndimore Farah tha se incidenti ndodhi sot rreth orës 4:30 në pjesën e autostradës në mes të qytetit Heart dhe krahinës Helmand në jugperëndim të Afganistanit.

Me këtë rast të paktën shtatë kanë mbetur të vrarë dhe 27 janë plagosur, por zëdhënësi i urgjencës deklaroi se bëhet fjalë për 11 të vdekur dhe 31 të plagosur.

Sipas të dhënave të OKB, më shumë se 1.000 civil janë vrarë ose plagosur nga  mjetet shpërthyese, në gjashtëmujorin e parë të këtij viti.

Ndërkohë janë shënuar shumë shpërthime në qytetin lindor afgan, Xhalalabad, në zonën në afërsi të tregjeve dhe zyrave qeveritare, e më pas janë dëgjuar të shtëna me armë. Këto janë shpërthimet e fundit që kanë goditur Xhalalabadin javët e fundit