Hahn fton qytetarët e Maqedonisë të vendosin për të ardhmen
Komisionerii për zgjerim dhe fqinjësi të mirë i BE, Johannes Hahn duke përshëndetur vendimin e Parlamentit të Maqedonisë që më 30 shtator të mbahet referendumi për marrëveshjen me Greqinë ftoj të gjithë qytetarët e Maqedonisë që të shfrytëzojnë të drejtën e tyre demokratike, pasi sipas tij, bëhet fjalë për vendin dhe të ardhmen e tyre.
Bashkimi Evropian, tha ai përmes rrjetit social Twitter, mbështet këtë marrëveshje dhe zbatimin e saj, si simbol i pajtimit dhe fqinjësisë së mirë në rajon.
“Përshëndes vendimin që të mbahet referendum në Maqedoni më 30 shtator për marrëveshjen historike për emrin mes Maqedonisë dhe Greqisë. BE mbështet këtë marrëveshje dhe zbatimin e saj, si simbol i pajtimit dhe fqinjësisë së mirë në rajon. I ftoj të gjithë qytetarët që të shfrytëzojnë të drejtë e tyre demokratike për të votuar. Kjo është për vendin dhe për të ardhmen e tyre.”
