Vettingu/ Anëtarët e shkarkuar të Gjykatës së Lartë, akuzat e PD dhe besueshmëria e proçesit…

Gjykata Kushtetuese tashmë është shkrirë si pasojë e proçesit të Vettingut, por edhe mosplotësimit të vendeve vakante të anëtarëve, mandate i të cilëve kishte përfunduar. Kjo është hera e parë që vendi mbetet pa GjyKatën Kushtetuese, e vetmja në strukturën e gjyqësorit shqiptar që mund të trajtojë çështje që lidhen me shkeljen e të drejtave të njeriut, ligje apo akte të qeverisë që mund të bien ndesh me Kushtetutën.

Pak javë më parë ILDKPI paralajmëroi se si rezultat i Vettingut vendi rrezikon të mbetet edhe pa gjykata Apeli, çka do të çonte në një kolaps total sistemin gjyqësor në vend.

Gjykata e Lartë pothuajse po shkon drejt shkrirjes, për shkak se Trupat nuk mund të krijohen me minimum 3 anëtarë.

Nga Vettingu janë konfirmuar vetëm 3 anëtarë të Gjykatës së Lartë, Xhezair Zaganjori, Ardian Dvorani dhe Edmond Islamaj. Ndërkohë që pritet vendimi për anëtarin tjetër Medi Bici, i cili u përball dje me Vettingun.

Numri i gjyqtarëve të lartë të shkarkuar deri më tani është 4, Admir Thanza, Tom Ndreca, Artan Zeneli dhe Shkëlzen Selimi, ndërkohë që pret vendimin Dritan Broci.

Pothuajse të gjithë gjyqtarët e skualifikuar deri më tani kanë pasur probleme me pasurinë, megjithëse referuar raporteve nga ILDKPI deklaratat përgjithësisht kanë qenë të rregullta.

Vettiingu është mjaftuar me mospërputhjet e deklarimeve të pasurisë për të dhënë vendimin mbi konfirmimin në detyrë ose jo të gjyqtarëve, ndërkohë që një prej elementëve të kontrollit ka qenë dhe mbetet aspekti professional. Për këtë KPK ka folur shumë pak, për të mos thënë që në të gjitha seancat e zhvilluara ky aspekt nuk është trajtuar, të paktën publlikisht.

Partia Demokratike së fundmi ka denoncuar rastin e anëtarit të Gjykatës së Lartë, Ardian Dvorani, duke përmmendur fillimisht të shkuarën e tij si hetues i kohës së komunizmit, por edhe lidhjet që ka me ministrin e Brendshëm, Fatmir Xhafaj, dhe familjarë të tij.

Akuzat e PD nuk dihet nëse do të merren në konsideratë nga ONM dhe organet e Vettingut, por duket se denoncimet që vijnë nga opozita kanë në themel besueshmërinë e një proçesi, që nga qeveria konsiderohet si pastrim i drejtësisë dhe nga opozita si rikonfirmim në detyrë të njerëzve që kontrollohen nga Rama.