Ra nga çatia e kishës, prifti dërgohet me urgjencë në Tiranë

Prifti Kristaq Viso është dërguar me urgjencë drejt Spitalit të Traumës në Tiranë, pasi ra aksidentalisht nga çatia e kishës.

Mëngjesin e sotëm, prifti ortodoks Kristaq Viso ishte duke ndihmuar në riparimin e çatisë një prift tjetër të Kishës së Shën Triadhës në varret publike të qytetit të Korçës, kur papritur ka rënë nga lartësia në tokë, duke pësuar dëmtime të rënda trupore.

Sipas mjekëve, dëmtimet me të rënda të klerikut 62-vjeçar i ka pësuar në kokë, ndaj për këtë mjekët e Korçës kanë vendosur dërgimin e tij drejt Spitalit të Traumës në Tiranë.

Ndryshe, prifti Kristaq Viso shërben si klerik në kishën e Shën Thomait në fshatin Çiflig.