SHBA, kadeti i FSK-së diplomon në Akademinë Ushtarake “West Point”
Kadeti Arlind Sadiku nga Forca e Sigurisë së Kosovës ka diplomuar me sukses në Akademinë Ushtarake West Point në Shtetet e Bashkuara.
Në ceremoninë e diplomimit, ku morën pjesë kadetë nga vende të ndryshme demokratike, ishte i pranishëm edhe Presidenti amerikan Donald Trump, i cili vlerësoi rëndësinë e edukimit ushtarak dhe përgëzoi kadetët për suksesin dhe përkushtimin e tyre, bënë të ditur zyra FSK përmes një njoftimi në rrjetin social Facebook.
Ndryshe, pas diplomimit, kadeti Arlin Sadiku do të rikthehet në FSK, për të kontribuar në zhvillimin e saj sipas standardeve më të larta ndërkombëtare dhe për të ndarë njohuritë e fituara me pjesëtarët e tjerë të forcës.
