Zgjedhjet e 11 Majit, Ambasada e SHBA: Urojmë popullin e Shqipërisë!

Pasi kaluan 16 ditë nga dita kur u zhvilluan zgjedhjet parlamentare, vjen urimi nga Ambasada e SHBA në Tiranë, jo për “fituesin” e këtyre zgjedhjeve – Partinë Socialiste ose dhe njeriun që pritet të formoj qeverinë, Kryetarin e PS, Edi Rama, por për popullin e Shqipërisë.

“Urojmë popullin e Shqipërisë për zgjedhjet parlamentare,” shprehet Ambasada e SHBA në Tiranë në Urimin përmes rrjetit social Facebook duke përfunduar:

Ndryshe, Komisioni Qendror i Zgjedhjeve ka përmbyllur dhe zyrtarizuar procesin zgjedhor duke certifikuar rezultatet për të 12 qarqet e vendit. Sipas tabelave përfundimtare, Partia Socialiste siguroi 83 mandate, koalicioni PD-ADSHM mori 50 vende në Kuvend, ndërsa forcat e reja politike ndanë 7 mandate: 3 për PSD, 2 për partinë Mundësia, dhe nga 1 për Lëvizja Bashkë dhe Nisma Shqipëria Bëhet.

Ndërkohë, pas ankimimeve të mëparshme në qarqet Kukës, Berat dhe Korçë, PD sot ka kërkuar shpalljen si të pavlefshme të rezultatit zgjedhor në të gjithë qarkun e Gjirokastrës dhe Vlorës dhe përsëritjen e votimeve për Parlamentin e Shqipërisë.