Plani për Qendrat e Emigrantëve, Edi Rama: Tregon, Mbretëria e Bashkuar është në “vend të errët”

Një plan i Mbretërisë së Bashkuar për të dërguar azilkërkuesit e refuzuar në “qendrat e kthimit” në vendet e treta tregon se Britania pas Brexitit është “në një vend shumë të errët”, tha kryeministri i Shqipërisë, Edi Rama.

Në një intervistë për të përditshmen britanike The Guardian, Edi Rama ka kritikuar skemën e Britanisë për qendrat e kthimit të emigrantëve, ndërsa ideja që Mbretëria e Bashkuar dëshiron të kërkojë vende për të larguar emigrantët do të kishte qenë e pakonceptueshme një dekadë më parë.

“Një plan i Mbretërisë së Bashkuar për të dërguar azilkërkuesit e refuzuar në ‘qendrat e kthimit’ në vendet e treta tregon se Britania pas Brexitit është ‘në një vend shumë të errët’,” është shprehur Edi Rama për The Guardian duke folur për skemën e “qendrave të kthimit” të cilën e paralajmëroi Kryeministri britanik, Keir Starmer gjatë një vizite në Shqipëri, ku do të përfshihej qendra në një vend të tretë që përpunon kërkesat e njerëzve të refuzuar për azil që kanë shteruar rrugët ligjore në Mbretërinë e Bashkuar.

“Është një nga ato gjëra që 10 vjet më parë thjesht nuk do të kishte qenë e imagjinueshme, që Britania të kërkonte vende për të larguar emigrantët. Fakti që sot nuk është thjesht e imagjinueshme, por po ndodh, nuk është për shkak të Keir Starmer apo Rishi Sunak që po bëjnë diçka të jashtëzakonshme, por sepse Britania është në një vend shumë të errët.”

Edi Rama, i cili është i njohur për pikëpamjet e tij të hapura, thotë The Guardian, shprehu zhgënjim për nivelin e diskursit publik në Mbretërinë e Bashkuar, dhe e ishte të vështirë ta pranonte këtë.

“80% e gjërave që thuhen, shkruhen ose pranohen si pjesë normale e diskursit në Britaninë e sotme janë gjëra që para Brexitit do të kishin qenë krejtësisht të papranueshme, krejtësisht qesharake, krejtësisht të turpshme,” tha Edi Rama duke krijuar idenë se po fol me Kol Ballën dhe Blendi Fevziun dhe do ta shohin shqiptarët.

“Nën qeveritë e mëparshme konservatore, marrëdhëniet midis Mbretërisë së Bashkuar dhe Shqipërisë u tendosën gjithnjë e më shumë, nga akuzat për emigrantë të paligjshëm shqiptarë që ‘pushtonin’ brigjet britanike.”

The Guardian shkruan se vizita e Keir Starmer në maj, e para ndonjëherë nga një kryeministër britanik në Shqipëri, kishte për qëllim vendosjen e marrëdhënieve dypalëshe në një bazë të re.

“Ndërsa ishte në Tiranë, udhëheqësi i Partisë Laburiste tha se bisedimet ishin duke u zhvilluar me një numër vendesh për të ngritur qendrat. Por, në një veprim të parë si një qortim ndaj mysafirit të tij, Rama tha në një konferencë të përbashkët për shtyp se Shqipëria nuk do të merrte pjesë në skemë,” shprehet The Guardian të cilën Rama mundohet ta sqaroi:

“Starmer, një person shumë i mirë dhe i këndshëm as nuk e bëri kërkesën publikisht dhe as nuk ishte udhëheqësi i parë britanik që e kishte hapur privatisht këtë temë,” tha Kryeministri Rama që, sipas tij,

përgjigjja ishte gjithmonë e njëjtë: 

“Kam qenë i qartë për këtë që kur Boris Johnson ma kërkoi dhe Rishi ma kërkoi… Gjithmonë kam thënë jo.”

The Guardia flet edhe për marrëveshjen mes Shqipërisë dhe Italisë për qendrat e emigrantëve, të cilat deri më tani janë penguar nga kundërshtime ligjore.

Për Shqipërinë, njërën ndër shtetet më të varfra të Evropës, The Guardian thotë se qëndrimi i Ramës përkon me një vetëbesim të rifituar dhe hapat dikur të paimagjinueshëm drejt anëtarësimit në BE, ndërsa nuk e fsheh dot megallomaninë e Kryeministrit Edi Rama për anëtarësimin e Shqipërisë në BE:

“Do të ishte një arritje personale, por gjithashtu do ta ndihmonte Evropën të ishte më pak e mërzitshme dhe më me diell!”