Dhjetëra kallëzime në SPAK, Flamur Noka: Task-forca për krimin elektoral vdiq atë ditë që u krijua!

Sot krimi elektoralë është më i institucionalizuar se kurrë, tha Sekretari i Përgjithshëm i Partisë Demokratike, Flamur Noka, pas prezencës në SPAK ku u ftua për shkak të kallëzimeve të PD për zgjedhjet e 11Majit, i bindur tashmë më shumë se kurrë se krimi elektoral është ai që ka vendosur fatin e votës së shqiptarëve.

“Isha këtu për denoncimet që kemi bërë në fushatë elektorale. Dhe task-forca, e cila u ngritur për të hetuar krimin elektoral, na rezulton që vdiq pa u ngritur akoma. Deri më tani, krimi elektoral që na u premtua se në janar të vitit 2025 do fillonte ndëshkimin ndaj tij, sot është duke i bërë karshillëk edhe godinës së SPAK-ut.
Sot krimi elektoralë është më i institucionalizuar se kurrë.
Sot krimi elektoral është ai që ka vendosur fatin e votës së shqiptarëve,” tha Sekretari i Përgjithshëm i Partisë Demokratike, Flamur Noka, ndërsa konstatoi se task-forca elektorale për krimin zgjedhor kishte vdekur atë ditë që ishte krijuar duke përfunduar:

“Janë dhjetëra raste kallëzimesh dhe referimesh që PD dhe opozita kanë paraqitur te Skapi i partisë, duke nisur që nga Durrësi, Vora, Elbasani, Shkodra, Fieri, Vlora dhe gjithë Shqipëria.

Ne nuk jemi organ hetimor. Organi hetimor presupozohet të ishte ky që është këtu mbrapa.

Isha për një sërë kallëzimesh që lidhen vetëm me krimet zgjedhore. Po ua përsëris, konstatova që task-forca elektorale për krimin zgjedhor, kishte vdekur atë ditë që ishte krijuar.”