Sulm vetëvrasës në Pakistan, 19 ushtarë të vrarë

Të paktën 19 ushtarë pakistanezë kanë mbetur të vrarë në një sulm vetëvrasës me bombë në veriperëndim të vendit, përgjatë kufirit me Afganistanin.

“Një sulmues vetëvrasës përplasi automjetin e tij të mbushur me eksplozivë në një konvoj ushtarësh në krahinën Khyber Pakhtunkhwa. 19 ushtarë u vranë dhe 16 civilë u plagosën,” tha një zyrtar lokal që deshti të mbetet anonim, kushte në të cilat edhe një zyrtar i policisë lokale, tha se çatitë e dy shtëpive u shembën nga shpërthimi, duke plagosur gjashtë fëmijë.

Një grup lokal i lidhur me talebanët pakistanezë mori përgjegjësinë për sulmin. Ai u krye nga brigada e saj e sulmuesve vetëvrasës.

Dhuna në Pakistanin perëndimor është përshkallëzuar që kur talebanët u rikthyen në pushtet në Kabul në verën e vitit 2021. Viti i kaluar ishte më vdekjeprurësi në gati një dekadë. Më shumë se 1.600 njerëz u vranë, pothuajse gjysma e të cilëve ishin ushtarë dhe policë, sipas Qendrës për Studime të Sigurisë me seli në Islamabad.