A ka mbështetje ndërkombëtare Edi Rama? Ja reagimi i Sali Berishës

Ish-Kryeministri Sali Berisha deklaroi mbrëmjen e sotme se situata aktuale është ndër më kritiket në 27 vitet e fundit, përjashtuar krizën e 1997-ës, rebelimin komunist.

Berisha tha se Shqipëria është delja e zezë, vendi i damkosur në ballkan dhe Europë nga Edi Rama.

“Shqipëria sot është më e përçarë se kurrë dhe Edi Rama ka futur në vend një përçarje veri-jug sepse ka përjashtuar tërësisht veriun nga investimet”, tha Berisha.

Sipas tij, në 3 qarqe në veri të vendit, ka bërë 40 % më pak se sa investimet në qarkun e Fierit.

“Kalimashi dhe Kukësi i dhanë leksionin historik, sot në Laç e njëjta gjë. S’ka pasur kurrë një Kryeministër që urren gjysmën e Shqipërisë, kjo përbën rrezik për stabilitetin”, tha Berisha.

Në vijim, ish-Kryeministri deklaroi se Edi Rama asgjësoi Gjykatën Kushtetuese dhe tani shqiptarët kanë vetëm njeriun që ka si interes madhor pasurimin e tij.

“Sulmon gjyqtarët dhe prokurorët, po ai me vilën e tij me 58 metra themele, me materialet më të kushtueshme, ajo ka një kosto të jashtëzakonshme, është rikthyer në origjinë, nuk i ndahet bunkeri, pasi është i shkretuar në shpirt, ku do të shkojë”, tha Berisha.

I pranishëm në studion e Ora News, ish-Kryeministri tha në 28 nëntor të 2016 se do na sillte kartolinën e negociatave dhe solli atë që solli.

“Erdhi Mogherini këtu dhe 15 herë rresht foli për arritje të suksesshme të përbashkëta. Po të ishte për Edi Ramën sot në Kuvend do kishe përdhunues dhe vrasës.

A ka ndodhur ndodhur ndonjëherë në historinë e Bundestagut që një Kryeministri  t’i bojkotohet darka?

A ka ndodhur ndonjëherë që të nxjerrin jashtë fotos familjare një Kryeministër sepse shkoi në takimin me atlete të kuqe atje ku ishte zv.Presidenti amerikan?

Sot ka marrë kartona të kuqe nga të gjitha anët”, tha Berisha.