Publikohen pamje tjera tronditëse, Berisha: Ky është kushtrim për t’u ngritur dhe rikthyer votën e lirë

Kryetari i Partisë Demokratike, Sali Berisha, ka publikuar sot pamje të reja nga farsa elektorale e 11 Majit, duke e konsideruar dhe një kushtrim për t’u ngritur me gjithë forcën dhe rikthyer votën e lirë në Shqipëri.

Pamje tronditëse nga farsa elektorale, tha Kryetari i Partisë Demokratike, ku shihet se si votojnë komisionerët dhe zgjedhësit vetëm palosin fletën, janë nga zona e kartelit të Suel Çelës.

“Farsa zgjedhore 11 maj 2025 ishte një farsë universale. Ishte një proces i degraduar dhe i dhunuar në të gjithë shtrirjen dhe segmentet e tij.

Dokumentet zyrtare faktojnë se masivisht qytetarët kanë votuar nën terrorin e patronazhistëve që u qëndronin si xhelatë të votës së lirë në dhomën e fshehtë.

Është zona e kartelit të Suel Çelës, 2285. Detyra e tij është vetëm të palosë fletën e votimit. Kam marrë disa, po mund t’u sillja këtu me qindra. Vetëm nga një qendër ë, se është e lehtë të diktohet që është e njëjta qendër. Ja mbi se qëndron mandati i katërt i Edi Ramës, mbi krimin, drogën,” tha Sali Berisha duke konstatuar se për çdo shqiptar është e qartë se farsa elektorale 11 maj 2025 është një poshtërim masiv për shqiptarët që besojnë se duhet të votojnë të lirë ndërsa përfundoi:.
“Është një dhunim i lirisë së votës dhe të drejtave themelore të qytetarëve. Është një thirrje, një kushtrim për t’u ngritur me gjithë forcën dhe rikthyer votën e lirë në këtë vend, pa të cilin shqiptarët të ardhme nuk kanë.”

Deklaratë:

Farsa zgjedhore 11 maj 2025, ishte një farsë universale.

Ishte një proces i degraduar dhe i dhunuar në të gjithë shtrirjen dhe segmentet e tij.

Unë e kam deklaruar dhe e deklaroj përsëri se në farsat elektorale, vota vdes pa rënë në kuti.

Por, cilido që sheh dokumentet zyrtare të procesit zgjedhor të ditës së zgjedhjeve më 11 maj, konstaton se ajo është autopsia e kufomës së farsës elektorale.

Edhe aty nuk kanë lënë nen dhe ligj pa thyer.

Me 11 maj, dokumentet zyrtare faktojnë se masivisht qytetarët kanë votuar nën terrorin e patronazhistëve që u qëndronin si xhelatë të votës së lirë në dhomën e fshehtë.

Mund të kisha rreshtuar këtu qindra e qindra raste, por unë kam sjellë vetëm disa për kursim kohe.

Dhe këto disa janë vetëm në një qendër, imagjinoni ju po të shtriheshin në qendrat e tjera.

Votuesi shkon aty se plusin po e vendos komisioneri.

Tani ai e palos, votuesi ka për detyrë të palosë fletën e votimit që e votoi komisioneri.

Është e njëjta qendër votimi.

Edhe këtu, komisioneri shoqëron votuesin dhe voton.

Komisionieri terrorist elektoral.

Është zona e kartelit të Suel Çelës.

2285, mos gabohem, është qendra e votimit.

Detyra e tij është vetëm të palosë fletën e votimit.

Prapë, komisioneri…

Unë thashë kam marrë disa, po mund t’u sillja këtu me qindra.

Vetëm nga një qendër ë, se është e lehtë të diktohet që është e njëjta qendër.

Harroi ta përqafonte…

Beso dhe kontrollo…

Komisioneri terrorist elektoral…

Ja mbi se qëndron mandati i katërt i Edi Ramës, mbi krimin, drogën.

Po, po, edhe ky i dikton votën.

E shihni cili ka qenë votimi?

Tani do votojë edhe ky vetë prapë, sa herë të dojë.

Vazhdon komisioneri.

Pra, siç e shihni, edhe pasi ka organizuar në kundërshtim me ligjet e vendit dhe ndërkombëtare, 4500 evente, përfshi Giro d’Italia ditën e votimit dhe një ditë para votimeve, për të ndikuar tek zgjedhësit.

Edhe pasi ka prokuruar mbi gjysmë miliardi euro për të ndikuar për votat.

Edhe pasi ka shpërndarë 76 milionë euro për pensionistët në mes të fushatës elektorale, 100 euro për pensionist që përbëjnë 48 përqind të votuesve.

Edhe pasi ka angazhuar dhjetëra mijëra punonjës të administratës të armatosur me të dhënat sekrete personale të qytetarëve për t’i terrorizuar ata apo për t’u premtuar.

Edhe pasi ka përdorur fuqinë ekzekutive për punësimin e përkohshëm të dhjetëra mijëra qytetarëve për efekte vote.

Edhe pasi ka përdorur fuqinë ekzekutive për dhjetëra mijëra qytetarë me leje ndërtimi, me leje legalizimi dhe certifikata pronësie për të marrë votën.

Edhe pasi ka licencuar mbjelljen e 29 mijë hektarëve kanabis nga 200 hektarë që lejon ligjin, Edi Rama ka urdhëruar terroristët e tij patronazhistë në komisione që të votojnë ata apo që të kontrollojnë në mënyrë të plotë dhe totale qytetarët në votimin e tyre.

Për çdo shqiptar është e qartë se farsa elektorale 11 maj 2025 është një poshtërim masiv për shqiptarët që besojnë se duhet të votojnë të lirë.

Është një dhunim i lirisë së votës dhe të drejtave themelore të qytetarëve.

Është një thirrje, një kushtrim për t’u ngritur me gjithë forcën dhe rikthyer votën e lirë në këtë vend, pa të cilin shqiptarët të ardhme nuk kanë.

PYETJE-PËRGJIGJE

Ermal Rizaj, Syri Tv: Kjo, nuk është hera e parë që ju sillni prova, ku duken komisionerët e PS që ndikojnë në procesin e votimit. A mendoni se, në zgjedhjet që do të zhvillohen në vitet e ardhshme, duhet që komisionerët të jenë jopolitikë, pasi në një qendër votimi ka komisionerë të opozitës, të cilët, për arsye të ndryshme nuk kanë reaguar brenda një qendre votimi, ku komisionerë të mazhorancës socialiste ndërhyjnë në këtë proces duke manipuluar dhe tjetërsuar vullnetin e qytetarëve.

Berisha: Ermal, kemi me të bëjmë me zonën e kartelit Çela.

Kartelit ndër më gjakësorët dhe më të rrezikshmit të Ballkanit dhe Europës.

Kartelit që mbrohet nga Edi Rama dhe Altin Troplini.

Dhe tani më lejoni të bëj një sqarim meqë jam këtu. Radhën e kaluar një gazetar më pyeti këtu të komentoja ndërhyrjet e Spakut ndaj kartelit Çela.

Ai ishte një falsitet i plotë. Ishte prokuroria e Veronës dhe absolutisht jo Altin Troplini, e cila kishte urdhëruar sekuestro pasurive të kartelit Çela.

Dhe duhet t’u them këtu se në prokurorinë speciale, në Skapin e partisë, ekzistojnë kilometra e kilometra biseda midis Taulant Ballës dhe Mario Çelës, vëllait të Suel Çelës, në të cilat flitet jo vetëm për zgjedhje, por flitet edhe për politikanët kundërshtarë. Flitet edhe për projekte, por të gjitha i mbyll Altin Troplini. Altin pengu i krimit.

Dhe ju lutem medieve, të jenë shumë të kujdesshme, të mos servirin si akte të Skapit, akte që nuk kanë asnjë lidhje.

Ju e dini që kartelin Çela e ka zbërthyer dhe e ka denoncuar me të gjitha dimensionet Nuredini Troplini, që në fakt ka kryer shumë vrasje, por në fund tregon se i ka mbetur një nanogram karakter krahasuar me Altin Dumanin, Troplinin e Spakut.

I ka denoncuar me hollësira, por ata i mbron Altin Troplini.

Dhe thirret në Verona dhe i jepen të dhënat dhe e servirin këtu sikur të ishte një iniciativë e Skapit të partisë.

Edhe njëherë i ftoj mediat t’u thonë të vërtetat qytetarëve, asnjë trafikant, asnjë grup, organizatë kriminale nuk është arrestuar nga iniciativa e skapistëve të partisë, por është arrestuar me kërkesën dhe ndërhyrjen e partnerëve tanë, italianë, gjermanë, amerikanë, britanikë, francezë, etj.

Pra, të mos e ngatërrojnë këtë.

Tani, kjo është zonë krimi dhe në zonën e krimit, karteli i kërcënon jo më pak se me kokën njerëzit.

Dhe kështu duhet ta kuptojmë heshtjen e të tjerëve aty. Guxo e flet, në mëngjes mund të mos gdhihesh.

Ermal Rizaj, Syri Tv: Z.Berisha, ju kur dolët sot nga SPAK, prekët pak ccështjen e Bankersit ku bëtë me dije se gjatë qeverisjes suaj është vendosur dhe renta minerare, në mos gabij. Si e shikoni ju riaktivizimin e kësaj ccështje. Mendoni se ka një prapavijë politike?

Berisha: Tani, reagimi im ishte ndaj një pyetje.

Dhe prapë këtu, konstatoj se para dy ditësh, tre ditësh, mediat, të dezinformuara në mënyrë kriminale nga prokurori politik i Fierit, i cili në komunikatë thoshte se nuk ka paguar në 20 vite asnjë taksë, asnjë detyrim, me të drejtë filluan të flasin për qeverinë e kryesuar nga Sali Berisha dhe qeverinë e mëvonshme.

Sepse kishin përpara një mashtrim publik të një prokurori pa dinjitet. Të inkriminuar.

Pse e them këtë?

Sepse kontrata e Bankers Petroleum është firmosur jo nga qeveria jonë, është firmosur nga qeveria e Fatos Nanos, e cila pasi është firmosur kontrata me kushtet që ne nuk do ta firmosnim, është vendosur edhe një klauzolë në të cilën thuhet, neni 18 i kontratës, se nuk mund të bëhet asnjë ndryshim në këtë kontratë pa miratimin e dy palëve.

Ky nen quhet neni i stabilitetit të kontratave, përndryshe kontrata çdo muaj rrëzohet.

Ne, çfarë bëmë?

Kompania kishte fushën më të madhe të naftës në Europë. Fusha më e madhe naftëmbajtëse, jo në det, por në tokë, është Patos Marinzëë, e cila me përllogaritjet e asaj kohe, besohet se ka 6 miliardë fuçi, por do metoda më të veçanta për t’u nxjerrë. Pra ka një kosto pak më të lartë për t’u nxjerrë.

Ne, duke ndjekur kontratën, ne vendosëm të vendosim rentën.

Renta, dhe këtu e kam vendimin e Këshillit të Ministrave, ndaj dhe të thuash se edhe qeveria- pastaj bën mashtrime, renta ishte 10 përqind e shitjeve të përgjithshme, shumë më e madhe se tatim fitimi pra.

Me këtë taksë, të cilën e pranoi kompania, nuk shkoi në arbitrazh, mund të shkonte, mund ta fitonte, por nuk shkoi, ajo ka paguar gjatë periudhës që kemi qenë ne në pushtet, mbi 500-600 milionë euro vetëm rentë.

Ka paguar pagesën koncesionere për Albpetrolin. Një përqindje e naftës që nxjerr, kompania është e detyruar t’ia dorëzojë Albetrolit. E ka paguar rregullisht. Në tërësi në të gjitha vitet mund të shkojë në 200-300 milionë euro.

Përveç këtyre, tatimet tona vendosën të tatojnë holluesin në hyrje dhe në dalje, që më për mua ishte e padrejtë sepse kjo sasi nafte mund të trajtohej në hyrje, por jo në dalje, sepse e taton dy herë. Por unë nuk kam ndërhyrë, edhe pse atëherë dhe sot kam pasur këtë mendim. Po ata duhet ta zgjidhnin me gjykatë dhe jo me kryeministrin. Se ishte një problem që po u ndërhyri kryeministri tatimeve, ato nuk bëjnë më, i shkatërron.

Kanë paguar sigurime shoqërore për 1500 punëtorë, përveç rrogave. Kanë paguar taksën e karbonit. Refuzuan njëherë, por u detyruan ta paguajnë.

Po si mund të thuash atëherë në këtë mënyrë?

Këto tregojnë se dikush i ka vënë syrin, ka bërë pazaret.

Lubia, kush tjetër?

Rama me Lubinë janë këtu, nuk mund ta bëjë kush tjetër, nuk guxon kush tjetër.

Kanë gjetur mekanizmat për t’i përzënë dhe për t’ia dhënë atyre që duan, për ta marrë për vete. Nuk mund të them se çfarë ndodh këtu.

Nuk e njoh fare kompaninë që e ka marrë. Ajo tjetra ka qenë kompani publike kanadeze e listuar në bursë. Është kompani kineze, nuk e di a është publike. Duhet të jetë e listuar në bursë sepse ka blerë Bankersin, kompaninë nënë.

Kështu që ia kanë vënë syrin këta me dikë tjetër.

Por një gjë ka, të mos përpiqen me përbaltë në këtë mënyrë dhe të servirin mashtrime dhe gënjeshtra.

20 vite nuk ka dhënë një qindarkë.

Çfarë është kjo? Në 20 vite ka dhënë 1 miliard, po të marrësh edhe pagesën ndaj Albpetrolit dhe të tjera me radhë.

Osman Stafa, News 24: Kryeministri Edi Rama, ditën e sotme është shfaqur në Vlorë, teksa ka nisur një aksion për lirimin e hapësirave publike. Si e komentoni këtë, Z.Berisha?

Berisha: Flet vetë.

Aty ku nuk ka ligj, aty ku ligji nuk ekziston, aty ku institucionet janë të kapura gjer në fyt, aty kreu i narkoshtetit mund të bëjë ç’të dojë.

Më thanë se kishte marrë edhe Llucën në krah, i kishte dalë edhe ky Gjergji Lluca, dhe lajmi se Lluca po zbaton urdhrat e Ramës kishte marrë dhenë, shihni mediat se janë mbushur me superlajm: rroftë Lluca, rroftë Lluca.

Tipike si në romanet e Markezit.

Osman Stafa, News 24: Z.Berisha, a keni një koment për lirimin nga masa e sigurisë me arrest shtëpie të dhëndrit tuaj, Jamarbër Malltezi?

Berisha: Jamarbër Malltezi ka bërë dy vite i burgosur politik në shtëpi.

I burgosur politik në mënyrë absolute pa shkelur asnjë ligj të këtij shteti.

Pa shkelur asnjë rregull, asnjë standard të këtij shteti.

Me një dosje piramidë mashtrimi në të cilën i vetmi njeri, me qindra e qindra njerëz që kanë firmat në atë dosje, i dënuar nga gjykata është Edi Rama. I dënuar me 320 mijë euro. Dhe i ka kthyer një për një Edi Rama.

I vetmi njeri që ka shkelur ligjin nga qindra punonjës që kanë firmën e tyre në atë proces, nga viti 1994 deri në vitin 2009, njeriu i vetëm që është gjetur shkelës i ligjit dhe është dënuar nga gjykata e tre shkallëve pas vitit 2013, është Edvin Ramaduro.

Pra, është mbajtur Jamarbër Malltëzi në një akt hakmarrje si një nga personat më të parë që u tha shqiptarëve se afera e djegësve është afera më korruptive e gjer atëhershme.

Si një njeri, zyrtar i kësaj partie, që publikoi nga viti 2014 gjer në fund, 300 e sa statuse në Facebook. Të gjitha kishin në epiqendër Ramaduron apo kreun e krimit të shekullit.

Dhe për të gjitha këto, Edi Rama me mercenarët e tij si Altin Dumani, me ish-xhelatë të Sigurimit të Shtetit si Kraja, me Enkelejda Fetahun, simotrën e gjykatëses bandite të Suel Çelës, e mbajtën në hakmarrje dy vite në arrest shtëpie.

Isa Myzyraj, Ora News: Aksioni për Suel Ccelën dhe sekuestrimi i 3 mln eurove pasuri në Verona është bërë, sipas të dhënave zyrtare, nga Shqipëria dhe Italia, në bashkëpunim me SPAK dhe Prokurorisë së Veronës.

Berisha: Për sa i përket parave të sekuestruara, sigurisht që autoritetet italiane nuk mund të vijnë të ushtrojnë ligjin, po ama e kanë thirrur atje sepse e kuptuan se do ta pësonin si me Troplinin.

Atëherë autoritetet italiane për të mos e pësuar si me Troplinin, u morën më direkt.

Unë nuk kam dyshim që janë autoritetet shqiptare ato që zbatuan vendimin e autoriteteve të Veronës.

Kështu që kjo e akuzon rëndë, e akuzon shumë rëndë Altin Troplinin.

Më thoni ju, cilin prej tyre, cilin nga këta bosë të karteleve u arrestua pa ndërhyrje ndërkombëtare?

Asnjë prej tyre, edhe kur ndërhynë ndërkombëtarët, i njoftojnë dhe ikin.

Është e vërtetë kjo.

Isa Myzyraj, Ora News: A është duke e marrë në mbrojtje Sali Berisha kompaninë Bankers, dhe në një farë mënyrë duke ushtruar presion ndaj prokurorisë në këtë rast?

Berisha: Absolutisht, nuk po marr në mbrojtje asnjë kompani.

Po marr të vërtetën.

Dhe flas për periudhën kur unë kam qenë kryeministër. Për qeverinë time.

Mirëpo, pse shtrihet pak?

Sepse, një prokuror i papërgjegjshëm, i turpshëm, shkruan në fund të komunikatës se në 20 vite nuk ka paguar asnjë detyrim.

Në qoftë se, bëjmë kështu, në qoftë se, shumëzojmë me zero gjysmë miliardi që ka paguar vetëm rentë gjatë periudhës së qeverisë time, po të llogarisësh edhe fee-në, shkojnë pothuajse 1 miliardë.

Unë sigurisht që do mbroj nga sulme të gjobëvënësve punën që është bërë për të mbrojtur interesin publik të shqiptarëve.

Në kemi vendosur rentën. Një kontratë që ishte pa rentë, ne i vendosëm rentën.

Po, cila ishte renta? 10 përqind e shitjeve të përgjithshme. Dhe janë marrë një për një.

Nuk mbroj unë, por nuk mund të pranoj një prokuror me diktatin e Lubisë.

Se tani, se ç’ka bërë kompania që është aktuale, unë nuk di se nuk kam të dhënat.

Por që, të përdoret kompania që ka shitur dhe periudha e qeverisjes së PD si një skuzë, atëherë këtë e bëjnë vetëm gjobëvënësit dhe njerëzit të cilët… dhe ky prokuror meriton të përgjigjet për mashtrimin publik.

Nuk po mbroj njeri, nuk mbroj kompani unë.

Mbroj të vërtetat!

Isa Myzyraj, Ora News: Pak ditë më parë, zyra e shtypit, të kryeministrit Rama, shpërndau një njoftim për gazetarët, ku kishte përkthyer një artikull të një media gjermane. Që në hyrje të përkthimit, në fakt, sepse nuk korrespondon hyrja e përkthimit me shkrimin, zyra e shtypit pyet se: A nuk duhet që Tirana të emërohet TiRama? Në fakt, kjo është një pyetje e bërë nga gazeta, por jo në hyrje. A mendoni se z.Rama ka një projekt?

Berisha: Tani, ju e thoni në fyerje. Ajo është fyerja më e madhe.

Ramaduro!

Faktikisht, shtypi gjerman e shpalli Ramaduro.

Nuk ka dëshmi më të fortë.

Bravo i qoftë, gazetarit.

Ramaduro! Nuk ia kanë bërë as Enver Hoxhës këtë. Që a ishte ai.

Le që kishte statujën 10 metra të lartë kur e shkulëm.

Megjithatë, nuk thoshin…

Kjo, e ka gjetur gazetari i mençur.

Në gjermanisht do të thotë: Ramaduro.