Filloi procesi i konfiskimit të qumështit dhe bulmetrave pa faturë, Rama: Ky është vetëm fillimi

Kryeministri Edi Rama tha se sot ka filluar procesi i konfiskimit të qumështit dhe bulmetrave pa faturë dhe paralajmëroi tregtarët se qumësht dhe bylmet pa faturë, si edhe mish i freskët pa faturë nuk do të lejohet, dhunë e cila vazhdon të shitet nga patronazhistët me shefin e tij në funksion të vizionit “Shqipëria 2030” dhe rrugës së pandalshme drejt anëtarësimit në Bashkimin Europian.

“Ka filluar procesi i konfiskimit të qumështit dhe bulmetrave pa faturë. Dmth pasiguri ushqimore, aq më tepër në këto temperatura të larta ku mund të ndodhin gjëra të rënda në lëndim të shëndetit të konsumatorëve. Qumësht dhe bylmet pa faturë dhe mish i freskët pa faturë nuk do të lejohet. Kushdo që do ta tregtojë do ta humbasë atë si mall.

Dhe ky është vetëm fillimi i një kontrolli shumë më të rreptë sa i përket sigurisë ushqimore,” tha Edi Rama me gjuhën e tij kërcënuese por nuk sqaroi nëse do të konfiskoi ndonjë ujësjellës në këtë vend që merr lekët me faturë pa furnizuar njeri me ujë, ose dhe pikat e pagesës së Qet Kastratit që nuk i japin drejtuesve të automjeteve faturë fiskale sepse nuk e kanë ndezur sistemin!

Dhe, duke harruar se është nip i një gjysheje katolike, nga gjithë ato reagime kundërshtoi vetëm Dom Vlash Palajn i cili përveç se i njeh besimtarët e tij duke shprehë keqardhje për ato njerëzit e shkretë tha se i joshën, i rrejtën, i blenë, i shfrytëzuan, i vjelën për nga ana monetare, dhe në fund i hodhën, i tradhtuan, i dogjën, i shkatërruan, do t’i gjobisin e do t’i burgosin.

“Nuk janë disa të shkretë, por disa individë që janë ngritur deri atje, një pjesë nuk janë banorë, Bëhet fjalë për individë që nuk janë shfaqur të pretendojnë çfarëdo qoftë. Policia po merret me hetimin si ka ndodhur dhe kush është mbrapa pushtimit kriminal të zemrës së Thethit, që është kartolina e njohur, Bëhet fjalë për ndërtime që nuk janë për të futur kokën por për qëllime fitimi. Nuk di të ketë ndonjë teori që amniston shkelësin e ligjit.

Struktura kanë përgjegjësinë e tyre dhe e kanë marrë këtë përgjegjësi, mbetet për të parë se çfarë përgjegjësie do të marrë KLP në lidhje me zonjën Gjeli,” tha Kryeministri Edi Rama duke vazhduar ta bind qytetarin që po vuan në këtë shtet pa ligjshmëri se në Theth janë goditur 40 subjekte se kanë pasur më shumë se 1 ngrehinë, por nga 2 dhe 3. Policia ka një numër të konsiderueshëm denoncimesh, prokuroria s’ka marrë hetime.