Nga SPAK-u, Berisha: Altin Troplini po mbron Irena Dumanin!
Pas zbatimit të masës së sigurisë “detyrim paraqitje”, Kryetari i Partisë Demokratike, Sali Berisha ka akuzuar nga SPAK-u drejtuesin e këtij institucioni, Altin Dumani se po mbron gjyqtaren e GJKKO, Irena Gjoka, ndërsa Altin Hajri tha se e ka paguar kreun e institucionit hetues.
“Altin Troplini po mbron Irena Dumanin! Kjo delinkuente i mori 60 milionë lekë borxh gruas që i kishte marrë më parë burrin. Ajo për 60 milionë lekë paraqet si dokument borxhin ndaj gruas që i ka marrë edhe burrin. Njëherë i merr burrin, pastaj i merr edhe borxhin, a keni dëgjuar ju ndonjëherë një eveniment të tillë të ndodhë? Le të supozojmë se ka ndodhur, pra i merr borxhin gruas që i ka marrë burrin dhe i referohet në vitin 1996 kontrata e këtij viti i referohet Kodit Civil të vitit 2015.” tha Sali Berisha ndërsa akuzoi kreun e SPAK-ut se është i kapur nga krimi i organizuar.
“Është thënë në atë kohë se Altin Hajri i ka paguar Dumanit 700 mijë euro, dhe sot për prerjen copa-copa të trupit të Jan Prengës dënohet një kamerier dhe roja. Kurse Altin Troplini, Altin Hajri merr leje për hotele 10-katëshe nga Edi Rama dhe dërgohet këto ditë në gjykatë nga avokati i tij, Altin Troplini.”
Fjala e plotë:
Altin Troplini hapi dosjen për Irenën me 5 mbiemra pa emër.
E kuptoni, ka hapur çështje penale pa emër.
Ky është një krim, ky është një abuzim i madh me drejtësinë.
Irena me 3 apo 5 mbiemra është një delinkuente, e cila e ka vendin jo në drejtësi, por atje ku e meriton.
Por Altin Troplini me urdhër të Edi Ramës, bën çdo gjë t’i zgjasë kësaj qenie delinkuente qëndrimin në sistem duke u bërë bashkë me Altinin fytyra e vërtetë e reformës dhe sistemit.
Irena me 3 mbiemra është një mashtruese ordinere pasi ajo është shkarkuar në vitin 1996 për korrupsion nga Këshilli i Lartë i Drejtësisë dhe këtë ua ka mohuar avoketërve të mi.
Irena me 3 mbiemra që mbrohet me të gjitha mënyrat nga Altin Troplini është një delinkuente, e cila ka mashtruar në formularët e dekriminalizimit për të cilin ajo meriton largimin nga drejtësia dhe ndjekjen penale.
Por, prisni se është interesante, Irena Dumani, t’ia shtojmë një mbiemër të mbeti bosh mbiemri Dumani nga Troplini, Irena Dumani, fytyra e vërtetë e sistemit të drejtësisë, ka mashtruar në institucionin e deklarimit të pasurive dhe në veting origjinën e pasurisë.
Ajo për 60 milionë lekë paraqet si dokument borxhin ndaj gruas që i ka marrë edhe burrin.
Njëherë i merr burrin, pastaj i merr edhe borxhin, a keni dëgjuar ju ndonjëherë një eveniment të tillë të ndodhë?
Le të supozojmë se ka ndodhur, pra i merr borxhin gruas që i ka marrë burrin dhe i referohet në vitin 1996 kontrata e këtij viti i referohet Kodit Civil të vitit 2015.
Kodi thotë se kjo kontratë nënshkruhet në përputhje me nenin 801 të Kodit Civil, në një kohë kur Kodi Civil i vitit 1996 kishte 200 e pak nene.
Pra kjo është kryetarja e gjykatës speciale.
Irena Dumani, ta quajmë kështu më mirë se e kuptojnë më mirë njerëzit, është e dënuar me burg nga Gjykata e Janinës dhe këtë Irena Dumani e ka fshehur dhe ka thirrur Altin Troplinin tani në mbështetje që të thotë a jam unë apo nuk jam unë.
Pra tani Altin Troplini, do thotë se kjo e dënuara, për të cilën dëshmon vula apostile e Gjykatës së Janinës, do të thotë është Irena apo nuk është Irena.
Nuk është Maneku, por është Dumani.
E kuptoni ju se çfarë horrash janë këta? Sa të pafytyrë, sa të pamoral, se si e si të mbrojnë llumin në sistemin e drejtësisë.
Si të bëhen fytyra e shëmtuar e një sistemi.
Irena, të cilën Altin Troplini nuk guxon, ndonëse është paditur me emrin e Irena Dumanit, Altin Troplini nuk guxon të hapë padinë me emër, por që ta mbajë nja dy-tre vjet se do vërtetoj këtë apo atë, paçka se vula apostile tregon se Irena është dënuar me burg 3 muaj dhe këtë nuk e ka deklaruar në dokumentet e vetingut dhe deklarimit të pasurisë.
Irena ka marrë avokat dhe ka firmosur prokurë për ta përfaqësuar para drejtësisë greke në një kohë kur deklaron pafytyrësisht se nuk është dënuar kurrë. U deklaron gazetarëve se nuk është dënuar kurrë.
Dhe pikërisht mbi këtë bazë, Altin Troplini hap çështje penale, por jo me emër për Irena Gjokën, se po të hapej me emër, Irena Gjoka nuk mund të rrinte asnjë ditë të vetme në sistemin e drejtësisë.
Ajo ka kryer një seri veprash, ka mashtruar, është përzënë dhe është e dënuar me burg.
Ka fshehur, ka falsifikuar duke iu referuar Kodit të vitit 2015, për Kodin e vitit 1996 dhe ajo që është pastaj, që nuk them se në rrafshin ligjor, por në rrafshin moral, pasi i mori burrin, shkoi dhe i mori edhe 60 milionë lekë hua.
Ju e shihni pra se cilët janë individët që përfaqësojnë sistemin e ri të drejtësisë.
Janë njerëz të cilët nuk kanë asnjë moral ligjor, nuk zbatojnë asnjë kriter, asnjë standard.
Jam këtu për t’i denoncuar dhe do i denoncoj vazhdimisht.
E garantoj Altin Troplinin se dekonspirimi që ai i ka bërë dhe mbajtja në xhep e mandat arrestit ndërkombëtar për Ndrecën, do të ketë për të pasoja, do ta ndjekë atë gjithë jetën.
Sepse me këtë person ai amnistoi apo i dha mundësisë të largohej kreut të kartelit më të rrezikshëm të drogës në Europë që disponon portin e Durrësit dhe që është akoma në funksion njësoj siç ishte, Troplinëve.
Përveç kësaj dënoj këtu implikimin e tij të padiskutueshëm në aferën Hajri.
Është thënë në atë kohë se Altin Hajri i ka paguar Dumanit 700 mijë euro, dhe sot për prerjen copa-copa të trupit të Jan Prengës dënohet një kamerier dhe roja.
Kurse Altin Troplini, Altin Hajri merr leje për hotele dhjetëkatëshe nga Edi Rama dhe dërgohet këto ditë në gjykatë nga avokati i tij, Altin Troplini.
Pra, siç e shihni, kemi të bëjmë me një person të kapur kokë e këmbë nga krimi.
Por ne zotohemi se do të qëndrojmë me forcën më të madhe në denoncimin e tyre.
PYETJE PERGJIGJE ME GAZETARET
Klodiana Lala, News24: Ju jeni thirrur nga Prokuroria e Posaçme dhe nëse po a do dorëzoni dokumente dhe prova për të vërtetuar pretendimet tuaja.
Sali Berisha: Për çështjen Gjoka ka një padi nga ne, ka një padi nga zonja Adriana Kalaja.
Natyrisht padia jonë ka shkuar në gjykatën e Tiranës, duke ditur lidhjen e ngushtë në krim që ka Altin Troplini me këtë, se kjo ka pesë mbiemra, se nuk po më kujtohej cili nga mbiemrat. Irena është me 5 mbiemra.
Pra, nuk jemi thirrur, por një gjë të siguroj që çështja është hapur jo me emër, çështja është hapur pa emër, çka është një lloj mbrojtje që i bëhet asaj.
Kujtoj këtu se KLGJ, e cila në tagër duhet brenda 15 ditëve, pasi ka konstatuar mashtrimet zyrtare që ka bërë Irena Gjoka, duhet ta shkarkonte atë dhe ta çonte për ndjekje penale.
Por luhet futboll, shkon nga KLGJ tek Olsi Çela.
Olsi Çela thotë e ka Uluziu, Uluziu ndërkohë bën provat e kostumeve të Altin Hajrit se nuk i ranë mirë ato dy që i mori dhe ka kërkuar t’ia zëvendësojnë me dy të tjera.
Klodiana Lala, News24: Pse nuk i bëri masa e kostumeve …
Sali Berisha: Sepse siç e di ti, Altin Hajri i thotë bashkëpunëtorit të tij, shiheni pak me kujdes, merrjani masën se nja dy kostume i ka hak se është treguar burrë i mirë.
Aty thotë Olsi dhe unë fillimisht mendova se ishte Olsi Dade, nuk ishte Olsi Dade. Më vonë doli se ishte Uluziu.
Shkoni dhe pyeteni Uluziun a i ke marrë ato kostume apo jo. Pyeteni!
Unë e kam thënë edhe më parë, por Uluziu nuk e ka çelur gojën, nuk ka guxuar të përgënjeshtrojë asgjë.
Ja pra, ky është historiku i tyre.
Anila Hoxha, TCH: Keni ditën e sotme gjyqin e themelit për çështjen ‘Partizani’, ju nuk u paraqitët. A ishte ky një refuzim?
Sali Berisha: Paraqitja apo mosparaqitja ime përcaktohet nga avoketërit, natyrisht sipas zhvillimeve. Por kjo është një seancën në të cilën do paraqiten pretendimet nga avoketërit.
Keni parasysh ju, kemi të bëjmë me gjykatës të cilët në mënyrë antikushtetuese në kundërshtim flagrant me Kartën Europiane të të Drejtave të Njeriut janë në kontrollin total të një delinkuenti që quhet, Altin Troplini.
Ky përbën një problem në themel, të drejtësisë shqiptare. Pak me thënë Anila, por ti mund ta investigosh më tutje, se thuhet se, këto vetëm sa nuk është përleshur fizikisht me një gjykatëse që nuk ja ka zbatuar urdhërat, kanë shkuar dhe janë kanë rrëmbyer kompjuterin për ta terrorizuar.
Po. Pra këtu ka skena, akte, gjëra, ka përçudnime. Por këto që theme unë, nuk kanë të bëjnë me gjykatësit si persona, kanë të bëjnë me sistemin, i cili nuk mund të jetë kurrë i tillë. Gjykatësi duhet të jetë i lirë në detyrën e tij, për bërë detyrën.
Anila Hoxha, TCH: A keni plan të paraqiteni në gjyqin e themelit, në perspektivë?
Sali Berisha: Jam i gatshëm të paraqitem sipas këshillës së avoketërve dhe gjykatësve.
Armand Bajrami, A2CNN: Përveç kundërshtive që keni ndaj gjyqtares Gjoka, a keni kundërshti në lidhje me 3 anëtarët e trupës gjykuese të çështjes ‘Partizani’ në themel.
Sali Berisha: Nuk kam asnjë kundërshti për asnjë gjykatës konkret, përveç ndonjërit që është në apel. Ai, i njohur tani, famozi, por nuk kam kundërshti për gjykatës konkret.
Por kam kundërshti për një parim themelor që ka të bëjë me pavarësinë e gjykatësit në detyrën e tij.
Nuk mundet kurrë që gjykatësi që shqyrton dosjen e Altin Troplinit, të kontrollohet nga Altin Troplini.
Thashë unë, ju duhet të bëni hetim.
Ka pasur një gjë të rëndë aty brenda, unë po e hetoj, por thuhet se aty për shkak të refuzimit të njërit prej anëtarëve të gjykatës speciale, ka shkuar puna te rrëmbimi i kompjuterit, etj, etj.
Gjëra të tilla janë të dënueshme, edhe në Korenë e Veriut nuk ndodhin.
Isa Myzyraj, OraNews: Ju folët për pasurinë e Irena Gjokës, ajo ka kaluar vetingun në të dy shkallët, 3 gjyqtarë në shkallën e parë, 5 në shkallën e dytë, komisioneri publik, 9 dhe vëzhguesi ndërkombëtare 10. Kanë nxjerrë zero probleme me pasurinë dhe hetimin financiar që i është bërë Irena Gjokës. Po thoni që i gjithë sistemi i përfshirë vëzhguesit ndërkombëtar ka qenë në shërbim …
Sali Berisha: Në qoftëse i vetuari deklaron se, 60 milion lek mbi bazën e kësaj kontrate të firmosur në përputhje me nenin 801 të Kodit Civil në vitin 1996, në një kohë kur Kodi Civil i vitit 1996 ka patur gjithsej 230 nene, atëherë më thuaj mua; veting është ky? Ky është turp veting. Ky është një akt falsifikimi i turpshëm, i kapërdirë me urdhër nga të gjithë ata të cilët e kanë kaluar.
Mjafton ky fakt, mjafton kjo deklaratë e saj se unë kam marrë borxh tek ish-gruaja e burrit, në vitin 1996, me nenet e Kodit 2015, tregon se ajo është një mashtruese ordinere dhe tregon se ata që kanë firmosur vetingun e saj, janë të papërgjegjshëm dhe të korruptuar, të kompromentuar, cilido qoftë ai.
Si mundet, këto janë evidente, janë të shkruara.
Klodiana Lala, News24: Këshilli i Emërimeve në Drejtësi është duke bërë vettingun e kandidatëve që synojnë një vend në Gjykatën Kushtetuese. Ditët e fundit kanë qarkulluar emra, që sipas pretendimeve mediatike, janë duke u favorizuar. A po e vëzhgon nga afër PD këtë proces.
Sali Berisha: PD ka bindje se çdo emërim në Gjykatën Kushtetuese bëhet vetëm e vetëm me një qëllim: për të larguar në kundërshtim nga gjykata persona të cilët kanë mandatin 8-vjeçar.
Dhe meqenëse duan të mos ketë asnjë zë kundër, po të jenë 100 përqind dhe t’i kapin peng.
A e ke të qartë ti kush u mor peng me skenat erotike?
Po, siç më kanë ardhur mua, u kanë ardhur edhe ju.
Dhe nga kush është marrë peng? Nga Dumani.
Pra këta kërkojnë që t’i kenë të marrë peng, që të vendosin ashtu siç thotë Rama.
Pra, së pari, PD është absolutisht kundër vendimeve militanteske partiake të Sokol Sadushit, i cili jashtë çdo tagri ka ndërhyrë në proces dhe e konsideron këtë si përpjekje për të marrë aty edhe të vetmin që nuk kishin, por që do jetë një akt i mirëfilltë antikushtetues.
