Dajo Kapedani fikë dritat e shpresës!
nga Agim Popoci
Pas 27 vjet shkatërrimi të Shqipërisë nga Edi Rama, shqiptarët drejtuan sytë nga dy ëndërrimtarë ndryshe me renditjen e gjërave që do bëjnë për ta çuar Shqipërinë përpara, duke qenë dhe më pak të pasur, më pak pushtetarë dhe shumë më shumë më komunistë se Sali Berisha, meqë Ramën nuk guxuan ta zinin në gojë për asnjë ditë të fushatës së tyre zgjedhore!
Kur Adriatik Lapaj u shfaq përballë Edi Ramës te Zonë e Lirë, shqiptarët u entuziazmuan kur ia dhjeu teorinë e Churchillit ndërsa panë dhe një pikë shprese se ky vend edhe bëhet!
Ai nxitoi dhe nga ajo pikëz krijoi parti me tre persona, dy u larguan të trembur nga financimet e frikshme që po vinin nga të gjitha anët, por Adriatik Lapaj me sallat që filloi ti mbush u mrekullua ndërsa po bindej se ëndrrën e tij për t’u bërë Kryeministër edhe mund të realizoj; Sypatrembur vazhdoi ashtu siç e përshkruan Arshi Pipa me guston e Stalinit diktatorin Enver Hoxha te poema Veneriada:
“Bukurosh të lumtë llapa! Kush të pa që s’t’erdhi prapa! Por harrove, o tungjatjeta:
Të shpëtoi Dyzeteteta!”
Po, po, ’48-ta, siç e shpërfilli në fillim edhe Edi Rama dhe shkoi e ul në prehrin e Gramoz Ruçit në mënyrë që të ulet në fronin Partisë!
Po ku të ulej Lapaj askush nuk e kishte të qartë, as ai ai as koka e vjehrrit! Kështu ia nisi aventurën e tij nga Mirdita, një Zot e di pse, por që aty u kuptua se një e keqe komuniste e radhës po vjen; Ashtu siç u dëshmua edhe nga e kaluara e këtyre banditëve që filluan nga’45 në Veri e deri në vitin 2025 me krimin e fundit në Theth!
Ditët në vijim do të tregojnë se Shqipëria edhe mund të bëhet por jo me Adriatik Lapajn me të kaluar të dyshimtë, që nuk ja pastroi dot as Ambasadorja e Edi Ramës në Tiranë, Yuri Kim, ndonëse nuk i dha bar që të hante!
Nga ana tjetër Endri Shabani me ëndrrën për tu bërë Kryetar i Bashkisë Tiranë, duke tund diplomën britanike dhe akuzuar Sali Berishën, por, jo edhe Edi Ramën me arsyetimin se “Rama dihet”, u bë i dashur ndër ata shqiptarë që as në fund të tunelit deri në këto momente, nuk po shikonin dritë shprese në Shqipërinë e shkatërruar, ndonëse po ky njeri vinte nga kanalet sorosiane prej nga vazhdon dhe kutërbon edhe sot gjak dhe kocka njeriu!
Por, siç ndodhi nga viti 1990 me partitë e reja, edhe në këtë rast, me publikimin e rezultatit u shpërfaq një realitet shumë më i keq se sa u përfol në legjendat urbane për parti që i ka krijuar vetë Edi Rama!
Duke kritikuar paligjshmërinë 35 vjeçare pa e ditur se çfarë është ligjshmëria, Endri dhe Lapaj u këshilluan nga ca idiotë të padobishëm të Zotni Lafshës se si të mënjanojnë listat e mbyllura, meqë si koalicion i kishin hipur autobusit të Kuçit dhe vetëm lista e hapur do të mund të rendiste meritokracinë e tyre!
Dhe, siç vepruan të gjitha partitë e reja që lindën duke sharë Saliun, edhe ky koalicion i Endrit dhe Lapajt futën gjithë familjen e tyre, që do jepnin dorëheqje dhe do të linin terrenin e lirë për garën elektorale në 11 Maj!
Pasi doli rezultati, pasi koalicioni doli me një mandat të fituar dhe me më të votuarin Adritaik Lapaj, por, që nuk e kishte lexuar Arshi Pipën, ia behu dajua i Endrit, duke i bërë të qartë KQZ-së se ai nuk kishte dhënë dorëheqje nga lista e mbyllur dhe ligjërisht i takonte atij mandati që ky koalicion kishte fituar në zgjedhje, dhe për rezultatin nuk kishin ndonjë kontestim përveç kritikës që u kishte lejuar Edi Rama të bëhet, Kodi Zgjedhor!
Dajo Zeqo u bë figura qendrore në kulmin e vapës në Shqipëri, shqiptarët harruan edhe ujin që nuk kishin në rubineta, Edi Rama kot propagandonte lirimin e hapësirave publike, sepse përveç Dajo Zeqir Kordhonit mund të dëgjoje vetëm këngën e Ervis Beharit që vuloste fatin e mandatit të Lapajt:
“…Dajo xhani, Dajo kapedani, Dajo nuk ke fjalë me shokët e rrallë…”
Ndonëse Dajo Kapedani i gjithëpranuar nga shqiptarët si hero i këtyre zgjedhjeve përveç se zhvlerësoi Kodin Zgjedhor, KQZ-në, dhe Raportin e OSBE-ODIHR që nuk evidentoi fare një marrëzi të tillë që u shfaq me listat e mbyllura dhe përmbyti Ilirian Celibashin me dorëheqje, përmbylli dhe një epokë komuniste që askush as që e zinte më në gojë: Fajet i ka Saliu!
Por, Adriatik Lapaj nuk qëndroi duarkryq, aktivizoi gjithë artilerinë propagandistike dhe llapiste për të zhvlerësuar Endri Shabanin me akuza nga më të ndryshmet!
Se si përfundoi Dajo Zeqo në listën e Lapajt e dinë Edi Rama, Shërbimi Informativ dhe vetë Adriatik Lapaj sepse Endri e tha qartë se Dajua i tij nuk ishte fare në listën e partisë Nisma Thurje!
Po kush do ta qetësonte Lapajn kur kënga e thotë atë që Endri e heshtë:
“…Nëna amanet më la, mbaje dajon si vëlla, e ke krah e ke shok, dhe në halle të jeni tokë…”
Dhe, kush do ti qetëson edhe të gjithë ata shqiptarë që i besuan si Endrit ashtu dhe Lapajt se Shqipëria bëhet, dhe sot shohin se shpresa e tyre e vetme po shkërmoqet dhe për këtë fatalitet akuzohen ata që sulmojnë Edi Ramën.
“Është angazhuar gjithë këneta si e si të mos shkoj unë në Kuvend,” thotë Lapaj, po për këtë kënetë që e thotë me zë dhe figurë se Edi Rama është hajdut, ndërsa Endri mbyll gojën, përgjigje ka vetëm për Lapajn:
“Mora pushkën dola malit, Të luftoja për atdhe, Ku ta dija unë i varfri, Se armiku ishim ne,” thotë Endri, e për ta betonuar mençurinë e tij u aktivizuan dhe mediat injorante të Edi Ramës si Top Channel që flisnin për vargjet e Ismail Kadaresë!
Vargjet epike të Kiço Th. Spirit mund të mos jenë pjesë e enciklopedisë së Endrit por Britanisë po, e sa për Top Channel ashtu sikur se ky koalicion, nuk ka lindur të thotë të vërtetën sepse nuk mund të besohet që në gjithë atë ngrehinë mediatike si dhe listën e mbyllur të koalicionit nuk ka baballarë, nëna, dajo, teze ose vjehërr që i kanë dy koqe mend!
Por Endri nuk e lenë me kaq, shpreh keqardhje nga deklarata e nxituar e Lapajt ku e shpall armikun e klasës, shfajësohet për faktin se kur Lapaj nuk mban përgjegjësi për vjehrrin e tij, përse duhet të mbaj ai përgjegjësi për Dajon, dhe, i shkon mendja se pas Arlind Qorit dhe Agron Shehajt, kishte mbetur vetëm Ai, nga fronti i të rinjve.
Dhe, nga ky front imagjinar i Endrit, përveç se i kujton premtimin e Lapajt se nëse fitojnë vetëm një mandat, ai mandat nuk do t’i takonte atij, lideri i Thurjes i rikujtoi edhe faktin se Dajo Zeqo nuk ishte në listë por e futi vetë Lapaj duke e zëvendësuar me Majlina Zikon!
Por në këtë koalicion të pistë nuk është vetëm Dajo që e zhvendos Endrin në frontin e të rinjve, sepse del ish-sekretari i partisë që e zhvendos në frontin e të vjetërve, pasi Endri Shabani ka kohë që i ka kaluar mandati dy vjeçar dhe ai nuk e respekton. Dhe jo vetëm kaq!
“Kur është themeluar Nisma Thurje si parti, në fund të vitit 2020, statuti parashikonte që mos të kishte një kryetar të modelit të forcave të vjetra politike, por të kishte rotacion çdo 2 vite pa të drejtë rizgjedhjeje.
Pas zgjedhjeve të vitit 2021 duke qenë se Nisma Thurje përfitoi rimbursim për çdo palë zgjedhje të shpenzimeve dhe një fond rreth 240 mijë Euro në 4 vite.
Çdo akt i dorëzuar në gjykatë, para dhe pas zgjedhjeve të vitit 2021, për shkarkime apo zgjedhje, apo zgjatje mandati në forumet drejtuese në parti është falsifikuar pasi asnjherë nuk është mbledhur kongresi dhe forume të tjera të parties,” thotë Napolon Laska duke i dhënë fund jo shpresës se Shqipëria s’bëhet, por debatit se këtë vend nuk e bëjnë dot llumi komunist i pjellur ndër radhët e Edi Ramës në Soros!
Në fund, sa për fikjen e dritave të shpresës së Shqipërisë nga një koalicion që kurrë nuk ishte as i Endri Shabanit dhe as i Adriatik Lapajt, kush ma mirë se vargjet e Arshi Pipës nuk do ta përshkruante këtë dyshe komuniste në shëbrim të Edi Ramës, sot, kur sërish po lindin Endra dhe Lapaj si Enver Hoxha, dhe, populli, për fat të keq, ju shkon pas!
“Stalinuc të Shqipërisë, Paçi haram qumësht e sisë! Paçi mallkimin e një nëme: Pizeveng, doç të satëme!”
