Agjentët e BKH i komunikojnë akuzat Erion Veliajt, reagimi i Kryetarit Bashkisë Tiranë

Gjashtë muaj pas arrestimin në zyrën e tij si Kryetari i Bashkisë Tiranë, Erion Veliaj u njoh sot me akuzat e SPAK në paraburgimin e Durrësit.

Ishin agjentët e BKH ata që i komunikuan akuzat sot kur zyrtarisht është i pandehur për korrupsion në 8 raste, pastrim parash, fshehje pasurie dhe futje e paligjshme e sendeve në burg.

Në qelinë ku ndodhet praj 10 shkurtit të këtij viti, Erion Veliaj firmosi aktet pa kundërshtime, në praninë e një prej avokatëve të tij.

Mëngjesin e sotëm, bashkëshortja e tij Ajola Xoxa, e shoqëruar nga avokati Maksim Haxhia u mor po ashtu e pandehur për 3 akuza, korrupsion, pastrim parash e fshehje pasurie.

 Krahas kryebashkiakut Veliaj dhe bashkëshorthes Ajola, SPAK ka marrë të pandehur 30 persona dhe shoqëri fizike. Ndër ta habitë prezenca e shtatë biznesmenëve, për lidhje me çiftin Xoxa Veliaj, që mendohej se kanë integritet dhe asesi nuk mund të bien në nivelin e shërbëtorit të Erion Veliajt, si dhe deputetja e PS dhe Kryetarja e Komisionit të Ligjeve, Klotilda Bushka, të cilën Kryeministri Edi Rama e mbrojti me shumë zell.

Dhe, pas hetimit të SPAK, Klotilda Bushka, rezulton se ka penguar në zbardhjen e së vërtetës së krimit Veliaj-Xoxa, duke rrëzuar gjithë pretendimet e Edi Ramës për rolin e saj deri tek marrja në pyetje e dëshmitarëve të Prokurorisë së Posaçme në zyrën e Avokates së Popullit.

Ndryshe, sot avokati Maks Haxhiaj ka deklaruar se SPAK e shty afatin e hetimeve deri më 24 shtator dhe më pas dosja do të përgatitet për t’u dorëzuar për gjykim.