Tritol për Gazmir Dacin, zbulohet porositësi…

Një ditë pasi i arrestuari për vendosjen e tritolit në shtëpinë e Gazmir Dacit, 25 vjeçari Vilson Brahaj, rrëfeu para Gjykatës së Krimeve të Rënda arsyet pse vendosi për një veprim të tillë kriminal, dhe gjykata i dha masën ‘arrest me burg’, policia zbulon edhe porositësin

Edhe pse prokuroria deklaron se nuk ishte Brahaj ai që zbuloi identitetin e porositësit, dhe një gjë të tillë nuk e bëri as para togave të zeza, sot policia

shkoi për të arrestuar Saimir Kolaverin por nuk e ka gjetur në shtëpi.

Pas kësaj, policia e ka shpallur në kërkim Saimir Kolaverin si porositës të shpërthimit me tritol në banesën e të dënuarit për vrasje Gazmir Daci mbrëmjen e 27 korrikut në Tiranë.

Objektiv i vendosjes së tritolit ishte shtëpia e prindërve të Gazmir Dacit i cili është dënuar me 35 vjet burg për vrasjen e Valmir Kolaverit, djali i të shpallurit në kërkim Sajmir Kolaveri.

Ky i fundit sipas policisë dyshohet se ka dashur të hakmerret për sulmin e vitit 2015 ndaj dy djemve të tij ku njëri mbeti i vrarë e tjetri u plagos rëndë duke mbetur i paralizuar përgjithmonë.