Emigrantët e paligjshëm në Shqipëri, Gjykata Evropiane rrëzon Planin e Melonit

Gjykata e Drejtësisë e Bashkimit Evropian ka shpallur sot një vendim që kundërshton qeverinë italiane në trajtimin dhe dërgimin e emigrantëve të paligjshëm në Shqipëri.

Gjykata Evropiane e Drejtësisë në vendimin e sotëm thekson që vendet e Bashkimit Evropian mund t’i përshpejtojnë refuzimet e kërkesave të azilit për personat që janë nga vendet që konsiderohen të “sigurta”, por vetëm nëse ky përcaktim përmbush standardet strikte ligjore, dhe u mundëson aplikantëve dhe gjykatave të kenë qasje dhe t’i kundërshtojnë provat mbështetëse.

Në lëndën para gjykatës së BE-së përfshihen rastet e dy shtetasve të Bangladeshit, të cilët janë shpëtuar në det nga autoritetet italiane dhe janë transferuar në një qendër ndalimi në Shqipëri, nën protokollin e dakorduar mes Italisë dhe Shqipërisë, raporton RFE.

Ndryshe, rasti i dy shtetasve bangladeshas përfundoi në gjykatë pasi kërkesat e këtyre dy azilkërkuesve janë refuzuar, bazuar në përcaktimin e Italisë se Bangladeshi është shtet i “sigurt”.