Policia e Edi Ramës pushton TV News 24, asnjë TV nuk e raporton
Policia e Edi Ramës ka pushtuar News24 në orët e para të mëngjesit, duke rrethuar godinën, nxjerrë ata që ishin në godinë dhe duke mos lejuar gazetarët të futen sot në vendin e punës.
“Pa paralajmërim dhe pa vendim gjykate, Policia kërkon lirimin e ambienteve ku aktualisht ndodhen redaksitë News24, BalkanWeb, Panorama dhe Gazeta Shqiptare,” thekson vetë News 24 por për dallim nga hera e kaluar ku në emër të presionit të Edi Ramës po i shembej me tritol hoteli i pronarit të kësaj medie, Irfan Hysenbelliu, dhe të gjitha televizionet po transmetonin “live” pamjet makabre, sot të gjitha televizionet pa dallim heshtën.
Arsyetimi i pronarëve të këtyre televizioneve se në kohën kur transmetuan shembjen e hotelit të Irfanit, “Prestige Resort”, ai vetë në News 24 po transmetonte Kryetarin e Bashkisë Tiranë, Erion Veliajn duke përuruar një kopsht dhe po i thurte lavde pushtetit socialist, është po aq banal sa reagimet e politikanëve që sot Irfani i publikon në portalet të cilat i menaxhon!
Irfan Hysenbelliu dhe të ngjashmit janë ata që drejtojnë sot mediat në Shqipëri dhe krijuan kultin e individit të Edi Ramës!
A meriton Irfani dhe të ngjashmit e tij të kenë media?!
Padyshim që jo!
A duhet kjo shoqëri shqiptare që lejoi degradimin e mediave me njerëz si Irfani, të reagoi sepse sot në krye të uniformave blu ndodhet Ardi Veliu, si drejtues i shoqërisë “KAYO” i cili pretendon se godina i përket kompanisë së prodhimi të armëve.
Padyshim që po?!
Sepse sot nuk reagohet për mediat e Irfanit por për median shqiptare të cilën aktualisht e menaxhon Edi Rama duke e përdor për helmimin e opinionit publik!
Sikur të reagohej për traun në Rrugën e Kombit, Edi Rama, nuk do të zbriste në Unazë të shembte qindra shtëpi, ashtu si dhe në Vlorë qindra biznese!
Sikur të reagohej për tritolin në Vlorë, Edi Rama nuk do të vazhdonte në Prestige Resort!
Sikur të reagohej në Theth, Edi Rama nuk do të vazhdonte me shkatërrimin e bizneseve në pikun e turizmit në emër të lirimit të hapësirave publike!
Pse u mbështetë Edi Rama nga News24 dhe të ngjashmit kjo është llogari e pronarëve të këtyre mediave por kjo nuk ka të bëjë me llogaritë e shtetit shqiptar i cili është në këtë gjendje të mjerë vetëm për shkak të Irfanit dhe të ngjashmëve, përmes të cilëve Edi Rama erdhi në pushtet!
Nuk kemi parë gjë akoma!
