Kujdes / Vala e të nxehtit ekstrem mbërrinë në Evropë. Nesër mbi 48 gradë Celsius, të dielën…

Vala e temperaturave ekstreme për fundjavë pritet të përfshijë Gadishullin Pirinej.

Në Portugali parashikohet që gjatë fundjavës të kemi edhe rekord të ri të temperaturës që është matur në Evropë dhe është shënuar në vitin 1977, kur në Athinë ishte 47.3 gradë Celsius.

Tashmë në Portugali është dhënë alarmi. Të gjitha shërbimet janë në gjendje gatishmërie, e qytetarët janë këshilluar të mos dalin  nga shtëpitë e tyre  në kohën e pikut të temperaturave.

Sot në Gadishullin Pirinej pritet që temperatura më e lartë të  jetë prej 44 deri në 46 gardë Celsius. Temperatura më e lartë pritet të shënohet në Andaluzi.

Në Portugali temperatura më e lartë pritet të jetë 45 gradë Celsius.

E shtunë – kulmi I të nxehtit

Dita e shtunë do të jetë dita më e nxehtit në Gadishullin Pirinej. Temperatura më e lartë pritet të shënohet në jug të Portugalisë  dhe në jugperëndim të Spanjës.

Parashikohet që temepratura maksimale të arrijë mbi 48 gradë Celsius.

E diela do të jetë pak më e freskët se sa dita e shtunë. Parashikimet për momentin theksojnë se temperaturat më të larta të ditës do të jenë për 1 ose 2 gradë Celsius më të ulëta se sa të shtunën