Asambleja PS, Edi Rama: Kanadidate për Kryetar të Bashkisë Tiranë, Ogerta Manastirliu

Kryetari i Partisë Socialiste, Edi Rama, e nisi Asamblenë në Pallatin e Kongreseve me mjeshtërinë që e karakterizon të komunikimit masiv me komunistë duke folur për emergjencën nër drejtimin e Tiranës sepse, sipas tij, nuk mban më, dhe ndonëse nuk ka një vendim gjykate të formës së prerë siç po e priste për ta shkarkuar, sot publikoi shkarkimin dhe shpalli emrin e pasardhësit të Erion Veliajt dhe kandidatin e ri për Kryetar të Bashkisë Tiranë, Ogerta Manastirliu!

“Sot shiu ka punë tonë, se po bie me të madhe për të lajmëruar bereqetin e punës për Shqipërinë 2030 në BE. E nderuar Asamble Kombëtare, jemi mbledhur në këtë takim të parë të 4-vjetarit tonë më sfidues, për të çelur kapitullin e mandatin tonë të katërt, i cili nis zyrtarisht pak ditësh me betimin e Kuvendit.

Do të na duhen të adresojmë menjëherë këtu edhe emergjencën për drejtimin e Tiranës, nuk mban më, ama duhet të them që në fillim sa më qartë, atë që besoj dhe ndajmë të gjithë së bashku mbi çështjen e drejtësisë dhe raportin tonë me to.

Ne PS, nuk kemi hyrë në asnjë radhe dhe për asnjë rast aq më tepër kur drejtësia nuk e ka thënë deri në fund fjalën e saj, nuk e kemi bërë dhe nuk e bëjmë asnjëherë avokatin e kujto të kësaj familje që hetohet dhe ndalohet nga drejtësia dhe kur nuk do duket drejtë.

Nuk do të kemi asnjë pendesë për lirinë dhe pavarësinë që i kemi dhënë drejtësisë me Reformën dhe mbi të gjitha, me tërheqjen historike të pushtetit nga Gjyqësori.

Përmes Reformës i kemi larguar me vetëdije të plotë duart e ekzekutivi, nga ccdo proces. I kemi lënë Gjyqësorit t’i qeverisë vetë punë e veta, përmes organeve të parashikuar nga Reforma në Drejtësi,” tha Edi Rama dhe pasi akuzoi Prokrurorët dhe Gjyqtarët që nuk e dëgjojnë, sot, ndryshe nga sa kishte premtuar se do të pres vendimin e formës së prerë, njoftoi nga Asambleja e PS, shkarkimin nga detyra të Erion Veliajt, i cili ndodhet në qeli dhe dje u përmbyllën hetimet me akuzën për 13 vepra penale e cila u dërgua në GJKKO.

“Emergjenca e Tirane, Pas 7 muajsh nuk ka asnjë kryetar të votuar, asnjë kryetar të dënuar lidhur me detyrën. Sot një kryetar të zgjedhur tre herë që i është mohuar e drejta e gjykimit në liri, i është bërë një gjyq në tezgat  e pazarit mediat,  madje në shkelje të hapur të ligjit, janë nxjerrë nga brenda, në ato tezga edhe bisedat me familjaret nga telefoni i burgut.

Kjo nuk ndodh në asnjë vend demokratik, diktatorial jo e jo. Shkelja më flagrante dhe brutale, në shpërdorim total të detyrës nga ata që duhet të mbajnë në kontroll materialet hetimore. Askush nuk di ta thotë sa mund të zgjasë, ndërkohë që asnjë zëvendësuar i kryetarit të bashkisë nuk mund ta ketë legjitimitetin që nëvojitet për ta udhëhequr për një kohë të gjatë , 2 vjet, Bashkinë e Tiranës në drejtimin e duhur.

Nuk i heq asnjë merit kryetares në Detyrë, për sa ka bërë në këto 7 muaj, të paprecedentë për kryeqytetin. Por sot, duhet të marrim vendim politik, për t’i hapur rrugë zgjedhjeve për një kryetar të ri në Tiranë. Duhet vënë në lëvizje mekanizmi ligjor për shkarkimin e kryetarit në detyrë. Nuk është një propozim që unë e bëj me zemër të lehtë, prandaj i kuptoj të gjithë ata që mund të mos ndihen mirë nga një vendim i tillë,” tha krijuesi i Erion Veliajt duke shpallur nga Asambleja pasardhësen e tij ndërsa Lali Eri mund të kuvendoj vetëm me Liken në qeli, kandidaten për Kryetare të Bashkisë Tiranë nga gjiri i partisë dhe Sigurimit, Ogerta Manastirliu.

“E di që nuk do ma falësh kollaj në një kohë më të gjatë mbase kësaj here këtë bombë të palajmëruar. Shqipëria ka nevojë për Tiranën si treni për lokomotivën. PS nuk ka më as si pret as ça pret për ta rivënë lokomotivën në lëvizje. Duhet të më besosh ti dhe të më besojnë të gjithë, nuk kemi ku dhe si e kërkojmë një profil dhe person më të përshtatshëm për t’i kërkuar popullit të Tiranës mbështetjen e tij dhe për ti dhënë lokomotivës së Shqipërisë shpejtësinë e saj më të madhe.

Kështu që është radha jote e nderuar dhe e dashur Ogerta ta udhëheqësh Tiranën me ambicien qetësinë që ta ka karakterizuar në të gjitha detyra sfiduese ku ke spikatur gjerë tani. Ndërsa detyra jonë është të mbështesim fillimisht duke u vënë në rresh pas teje për të marrë votëbesimin e mëritura nga komuniteti i madh i kryeqytetit për kandidaturën bindëse të PS,” tha Edi Rama duke vazhduar me reformat e domosdoshme për anëtarësim në BE, që pas këtij dushi të ftohtë për të gjithë ata që i qëndruan besnik gati sa Lali Eri, nuk është se po e dëgjojnë fjalën e tij në Asamble që pritet të të përfundoj me shpalljen e qeverisë së re!