Pas pezullimit Dialogut Strategjik, Ambasada e SHBA: Duam të ecim përpara me Qeverinë në detyrë!

Pas pezullimit të Dialogut Strategjik me Kosovën, kur opozita me batonë e buzhalë e ekzaltuar proklamon prishjen e Amerikës me Qeverinë e Kosovës, Shtetet e Bashkuara shprehen qartë përmes Ambasadës në Prishtinë se duan të ecin përpara edhe me Qeverinë në detyrë, por kanë nevojë për një partner që shmang veprimet destabilizuese.

“Shtetet e Bashkuara do të jenë gjithmonë një mike e afërt e popullit të Kosovës dhe jemi plotësisht të përkushtuar ndaj partneritetit tonë. Ne duam të ecim përpara me qeverinë në detyrë, por kemi nevojë për një partner që e kupton nevojën për të shmangur veprimet destabilizuese dhe që është i përkushtuar për të avancuar stabilitetin rajonal dhe për të mbrojtur të drejtat e të gjithë qytetarëve të Kosovës.

Ne do të vazhdojmë të vlerësojmë veprimet e qeverisë në detyrë,” thekson Ambasada amerikan enë Prishtinë për Tëvë1 duke bërë të ditur se E ngarkuara me punë Anu Prattipati ka takime të rregullta me Kryeministrin në detyrë Kurti.

Më 12 shtator, Ambasada amerikane në Prishtinë bëri të ditur për pezullimin e Dialogut Strategjik me Kosovën. Derisa opozita me batonë e buzhalë filloi festën, Qeveria në detyrë e Kosovës tha se janë të përkushtuar të vazhdojnë bashkëpunimin me SHBA-në dhe se kritikat e tyre i marrin me seriozitet.