Konferenca e re e Kryetarëve, nesër debati parlamentar për programin qeverisës

Në mbledhjen e Konferencës së re të Kryetarëve nën drejtimin e Kryetarit të Parlamentit, Niko Peleshi, sot u mor vendos që për programin dhe prezantimin e qeverisë secili deputet do të flasë nga 10 minuta.

Për seancën parlamentare që pritet të zhvillohet nesër, opozita kërkoi të ketë debat pa kufizim kohor në lidhje me programin qeverisës dhe prezantimin e qeverisë. Kreu i Grupit Parlamentar të Partisë Demokratike, Gazment Bardhi tha se ky është një moment i rëndësishëm dhe secili deputet duhet të ketë mundësinë e debatit.

“Kërkojmë që të këtë debat mbi programin qeverisës dhe prezantimin e qeverisë. Momenti është i rëndësishëm dhe secili deputet duhet të kenë mundësinë e debatit.” u shpreh Gazment Bardhi por kërkesa e tij u rrëzua duke marrë vendimin që çdo deputet t’i jepet koha 10 minuta për të debatuar.

Ndryshe, nesër me fillim në orën 10:00 do të mbahet seancë plenare në Parlamentin e Shqipërisë për prezantimin e qeverisë së re dhe programit të mandatit të katërt të kryeministrit Edi Rama.