Sot në Llugë përurohet shtatorja e heroit Afrim Zhitia

Sot, në fshatin Llugë do të bëhet përurimi i shtatores së heroit të kombit Afrim Zhitia, si dhe inaugurimi i rinovimit të obeliskut dhe hapësirave përreth.

Në këtë ceremoni që organizohet nën kujdesin e Kryetarit të Komunës Podujevë, Shpejtim Bulliqi, do të marrin pjesë edhe Kryeministri në detyrë, Albin Kurti, ish-udhëheqësi i UÇK-së në Maqedoni dhe Kryetari aktual i BDI-së, Ali Ahmeti, ministra, deputetë, zyrtarë komunalë, veprimtarë të çështjes kombëtare, familjarë e qytetarë nga të gjitha trojet shqiptare. 

Ceremonia e përurimit të shtatores dhe rinovimit të obeliskut e hapësirave përreth fillon në orën 12:00, në vendlindjen e heroit të kombit Afrim Zhitia, fshatin Llugë të Podujevës.