Albin Kurti: Nuk jemi prishur me Amerikën, por i kemi disa dallime

Nuk jemi prishur me Amerikën, por kemi disa dallime, tha sot Kryeministri në detyrë Albin Kurti në mbedhjen e qeverisë së Kosovës duke sqaruar se bëhet fjalë për pezullim të planifikimit për dialog strategjik, jo të dialogut strategjik si proces!

“Së pari duam të qartësojmë për qytetarët tanë se bëhet fjalë për pezullim e planifikimit për dialog strategjik, jo të dialogut strategjik si proces të nisur as të komunikimit të rregullt që ne kemi. Nuk jemi prishur me Amerikën, por kemi disa dallime.

Ndonëse opozitarët po e stërmadhojnë në dritë negative çdo ndodhi për raportet e Qeverisë sonë me qeverinë amerikane, Unë nuk dua t’i minimizojë zhvillimet e fundit, i siguroj qytetarët tanë se qeveria jonë i trajton seriozisht deklaratat dhe qëndrimet e Ambasadës Amerikane,” është shprehur Albin Kurti duke konfirmuar se nuk është pezulluar komunikimi me Ambasadën amerikane.

“Duam të qartësojmë se bëhet fjalë për pezullimin e planifikimit për dialog strategjik, jo të dialogut strategjik si proces të nisur e as të komunikimit të rregullt që ne e kemi.”

Në fund, Kryeministri në detyrë i Kosovës, Albin Kurti, tha se qeveria është angazhuar gjatë mandatit për partneritetet më SHBA në tri shtylla kryesore: në diplomaci, mbrojtje dhe zhvillim.