Kryetari i ri i Bashkisë Tiranë, PD nuk ka pse kërkon kandidat, e ka te Rithemelimi!
Gara për Kryetarin e Bashkisë Tiranë ende pa filluar u bë zhgënjyese ndër demokratë falë presionit mediatik që sajoi Edi Rama dhe asfiksimit të lidershipit të PD pas zgjedhjeve të 11 Majit edhe pse iu ra nga qielli, shkarkimi i Erion Veliajt si hajdut!
Fillimisht duhet thënë që “hajduti” të cilin e ka në mëngë Partia Demokratike për këtë garë elektorale nuk është se i erdhi shpesh dhe duhet ta trajtoj siç po vepron, si normalitet, sepse i duhet të kandidoj vetëm me një kandidat pa precedentë penal dhe që nuk është i majtë, pra, nuk është hajdut!
Dhe, nuk duhet luajtur me durimin e demokratëve si në rastin e Parlamentit, kur dy njerëzit më të urryer të kësaj force politike ndër demokratë zunë vendet qendrore në tempullin e ligjeve: Gazment Bardhi si Kryetar i Grupit Parlamentar të PD, dhe, Agron Gjekmarkaj si Nënkryetar i Parlamentit!
Ose, thënë më shqip për ata që nuk duan ta kuptojnë dhe janë të bindur se kjo zgjidhet me task-forcat e tipit të Altin Dumanit, të përzgjidhet një kandidat nga radhët e Rithemelimit!
Përballë Hajdutit!
Nuk është e qartë se pse është preokupuar kaq shumë Partia Demokratike për të treguar superioritetin që ka deri në zgjedhjen e kandidatit për Kryetar të Bashkisë Tiranë, sa të deklarohet se do të kërkoj edhe jashtë partisë për një kandidat që do të garantoj fitoren!
A do të thotë kjo që PD nuk e ka një kandidat më të mirë se një hajdut ordiner si Erion Veliaj, apo kjo parti është në kaos aq të madh sa edhe çdo magjar mund ti drejtohet opinionit publik për ti folur mbi kriteret që do të ketë kandidati për kryetar të kryeqytetit shqiptar!
Nëse në betejën politike, vetë Partia Demokratike e ka pranuar kursin politik që i diktoi Edi Rama, që nga logoja, kryesia e deri te selia e partisë, kjo është tjetër gjë, por nëse për betejën më të rëndësishme elektorale pas asaj për Kryeministër, PD nuk ka ide të qarta se pse është e djathtë, pse atdheu është mbi të gjitha, dhe, pse pretendon që në stanin e saj nuk ka hajdut, atëherë kot që na shpjegon se cila ishte mbështetja e partisë socialiste në Tiranë, bazuar në rezultatet e zgjedhjeve të 11 Majit!
Para se të flas për kriteret, secili nga ata që i japin vetes të drejtën e fjalës duhet ta kuptoj njëherë e mirë se kandidat më të mirë se Prof.Dr.Halim Kosova, PD as nuk ka pasur dhe as nuk do të ketë, dhe humbi përballë hajdutit ordiner, humbje për të cilën kurrë nuk u bë një analizë e detajuar, dhe askush nuk e preku me gisht plagën e humbjes që u qelb deri në Lanë!
Duke pasur parasysh këtë fakt, lidershipi në PD duhet ta projektoj një kandidat përballë një hajduti si Erion Veliaj, dhe të mos bëjë fantashkencë me ekspertë dhe shoqëri civile që propagandohen në media, që në thelb janë, Sigurimi i Shtetit!
Thjeshtë, krerët e PD duhet ta kenë të qartë se duhet ta gjejnë një kandidat që nuk është i majtë, pra nuk është hajdut, largqoftë nip i një gjenerali komunist si rivalja, të mos ketë shkelur me dy këmbët shëndetësinë shqiptare, dhe, të mos ketë zbatuar urdhrat e Edi Ramës, në karrierën e tij politike dhe jo vetëm!
Në vijim, në mënyrë që ky kandidat të gëzon mbështetjen e demokratëve i duhet të mos ketë turp që për kryetar ka Sali Berishën, të mos vjen nga partyt e Gazit dhe Gjekmarkajt, për t’i mbetur në fund vetëm një shteg i sigurt i fitores, të vijë nga radhët e Rithemelimit!
Pse nga Rithemelimi?!
Pavarësisht idesë së lidershipit të Partisë Demokratike për të shmangur vlerën e kësaj mrekullie politike dhe protagonistët e saj, Rithemelimi duhet të jetë ylli polar nga duhet të lëviz PD në këtë politikë të cilën e ka deformuar Edi Rama, ku aktualisht vetëm ata që e pranuan sakrificën për të rithemeluar këtë forcë politike mund ta përballojnë terrorin shtetëror të komunistëve dhe jo vetëm, dhe këtë e dëshmuan jo vetëm më 11 dhjetor 2021!
Të gjithë e kanë dëgjuar Jorida Tabakun kur thoshte se ishte më e votuara në 11 Maj, por, vetëm ata të Rithemelimit e kanë vërejtur pse asnjë meritë për këto vota nuk ia dha Partisë Demokratike dhe në veçanti Sali Berishës, sepse ishte një film i parë! Shefi i saj Lulzim Basha, katër vjet u lodhi kokën demokratëve se ishte ai që mori 622 mijë vota kur drejtoi partinë në vitin 2021, por, kur mori vetëm 1.529 vota më 11 Maj 2025, e kuptoi se nuk ishte Llulli por djersa dhe gjaku i demokratëve që i nëpërkëmbi për 12 vjet!
Dhe, sot, demokratët e dëgjojnë Jorida Tabakun që kundërshton kandidimin për të parën e Bashkisë ku rezultoi më e votuara, por nuk habiten me planet e saja që ka, sepse, thjeshtë, tashmë demokratët kanë edhe njësinë për matjen e cilësisë, Rithemelimin, ku ajo nuk bëri pjesë madje e luftoi me mish e me shpirt!
Kështu kundërshtoi kandidimin për Kryetar të Bashkisë Tiranë edhe Agron Shehaj sepse kishte plane, por, për shumë pak kohë e pamë se cili ishte plani i tij, u largua nga PD dhe krijoi parti që do luftonte Partinë Demokratike!
Por, demokratët e Rithemelimit u certifikuan në rastin e Ilir Alimehmetit ku askush nuk shprehu habinë pse ai kundërshtoi kandidimin! Të nëpërkëmbur, demokratët e Rithemelimit e kuptojnë përgjigjen e bashkëvuajtësit, Dr.Ilirit, kur atë nuk e kandidoi PD në zgjedhjet lokale të vitit 2023, madje për të nuk kishte vend as në listën e mbyllur të zgjedhjeve parlamentare të 11 Majit 2025, por, në zgjedhjet e parakohshme për Tiranën u kujtuan se ekziston ky njeri me vlera të larta, pasi Jorida Tabaku tha me plot gojën, JO!
Në fund, edhe për Sali Berishën, “Pse një kandidat nga Rithemelimi”, është një leksion i jetuar dhe jo i lexuar, me 4.935 delegatë që nuk pyetën se çfarë do të bëhet nëse humbin, por i shkuan pas, nga stadiumi te çdo shkop gome dhe gaz lotjsellës, edhe te ai që e porositi Gaz Bardhi te Edi Rama, dhe, e ruajti me fanatizëm Ervin Salianji me shkop bejzbolli në dorë te selia e partisë, për vetëm një fjalë zotimi që iu dha lideri i tyre për Rithemelimin e PD; Thjeshtë, siç e thotë Victor Hugo te Mendimet: Sepse fjalët janë Fjalë, dhe Fjala është Zot!
Dhe, një përvojë që duhet kujtuar çdo demokrati se si u tretën ata që rrahnin gjoks në vitin 2005 se fituan, dhe u futën në garë me Edi Ramën në vitin 2013, se kush mund ta bëjë më pis Sali Berishën, ashtu siç e ka konstatuar shumë kohë më parë edhe John F. Kennedy para se të fitonte garën për President:
“Fitorja ka mijëra baballarë, por humbja është jetime!”
Vetëm kështu dhe nuk ka rrugë tjetër, kandidat nga radhët e Rithemelimit për Kryetar të Bashkisë Tiranë do të jetë jo vetëm një njeri që nuk do të nëpërkëmbë vlerat e demokratëve, nderimin për të cilin ata sot kanë aq shumë nevojë, por, më në fund do të rikthehet edhe respekti njerëzor në Bashkinë Tiranë, respekt i cili është larguar me vrap sapo u fut në këtë institucion për të mirën e qytetarit, armiku më i madh i tij, Edi Rama!
