Anulohet seanca e sotme ndaj ish-krerëve të UÇK-së

Është anuluar seanca e parashikuar për sot në Dhomat e Specializuara të Kosovës në Hagë, në gjykimin ndaj ish-krerëve të UÇK-së, Hashim Thaçi, Kadri Veseli, Rexhep Selimi dhe Jakup Krasniqi.

Dhomat e Specializuara të Kosovës nuk kanë dhënë arsye për anulimin e saj, por ka bërë të ditur se seanca e radhës pritet të mbahet të martën.

Që nga 15 shtatori, mbrojtja ka nisur paraqitjen e provave, ku gjatë për tri ditë dëshmoi James Rubin, ish-ndihmës i Sekretarit Amerikan të Shtetit.

Pas tij, në gjykatore u paraqit Paul Williams, ish-këshilltar ligjor i delegacionit shqiptar në bisedimet e Rambujesë. Ndërsa më 22 dhe 23 shtator dëshmoi edhe John Stewart Duncan, ish-këshilltar politik i komandantit të lartë të NATO-s, gjeneral Wesley Clark.

Në shenjë përkrahjeje për të akuzuarit, më 14 shtator në Hagë u mbajt një protestë masive, ku morën pjesë mijëra qytetarë nga të gjitha trevat shqiptare dhe diaspora.