Shkarkimi i Erion Veliajt, Kryeministri Edi Rama i drejtohet Presidentit Republikës

Pas Komisionit Qendror të Zgjedhjeve, Kryeministri Edi Rama i drejtohet Presidentit të Republikës ku njoftohet me shkarkimin e Kryetarit të Bashkisë Tiranës, Erion Veliaj.

Në letrën zyrtare, Komisioni Qendror i Zgjedhjeve njoftohet për miratimin e vendimit të Këshillit të Ministrave, më 25 Shtator, për shkarkimin nga detyra të Erion Veliajt.

Tashmë pritet që Presidenti i Republikës të shpallë datën e zgjedhjeve për Bashkinë Tiranë, ndërkohë Erion Veliaj ka dërguar ankimimin në Gjykatën Kushtetuese ku konteston shkarkimin e tij.

Pritet se cili do të jetë Vendimi i Presidentit meqë Gjykata Kushtetuese ka sqaruar se për vetë faktin se Gjykata ka bërë publikimin e regjistrimit të kërkesës së së Erion Veliaj, kjo shpallje ka efektin e një njoftimi publik për të gjitha palët e përfshira, pra, edhe Këshillin e Ministrave dhe Presidentin e Republikës.

Ndërkohë Kryeministri Edi Rama ka shpallur kandidate për Kryetare të Bashkië Tiranë, Ogerta Manastirliun, vendim i cili u bë publik në mbledhjen e Asamblesë së PS-së më 11 Shtator.

Ndryshe, Kryeministri Edi Rama ka kërkuar nga Presidenti shpalljen e zgjedhje për Kryetar të Bashkisë edhe në pesë bashkitë tjera, Berat, Tepelenë, Cerrik, Mat dhe Vlorë, që janë pa Kryetar të Bashkisë.