Kujdes, mos kaloni nga selia e PD, do ju shpallin kandidat për Kryetar të Bashkisë Tiranë!
Bazuar në negociatat që Partia Demokratike zhvilloi deri më sot, mund të konstatohet se PD nuk do të kandidoj me një demokratë në garën elektorale për Kryetar të Bashkisë Tiranë, pra, nuk e do fitoren përballë kandidates së Partisë Socialiste, Ogerta Manastirliu!
“Ishte një takim shumë pozitiv e produktiv, kemi rëndë dakord për një kandidaturë që duhet të unifikojë të gjithë spektrin opozitar. Ky është lajm shumë i mirë për të gjithë qytetarët e Tiranës që forcat politike kanë një lloj konsensusi për të dalë me një emër, i cili mund të përballet në ditën më të parë me Ogerta Manastirliun, kandidaten që simbolizon COVID dhe vdekjen në kryeqytet e ta mposhtim.
Kemi diskutuar emra të përveçëm, kemi rakorduar sa i përket profilit që do të duhet të kemi për një kandidat. Unë s’kam ndërmend të dal me emra konkret ditën e sotme. Do të shqyrtojmë çdo propozim e emër,” tha negociatori i PD Belind Këlliçi për kandidaten socialiste që simbolizon vdekjen në kryeqytet, por jo dhe për kandidatët e “PD me Aleatë” që nuk simbolizojnë por i sjellin vdekjen Partisë Demokratike!
Dhe, ende pa e marrë kthesën pas negociatave që zhvilloi me partinë “Mundësia”, mediat me një zë raportuan emrat e tre kandidatëve që ka ra dakord PD pas takimit me partitë, “Mundësia” të Agron Shehaj, “Nisma Thurje” të Endri Shabanit dhe lëvizja “Shqipëria Bëhet” të Adriatik Lapajn ndërsa pritet takimi me “PDIU” të Shpëtim Idrizit:
Edlira Cepani, Ermal Hasimja dhe Florian Haçkaj!
Nëse lidershipi i Partisë Demokratike ka vendosur të mos përfshihet në këtë garë elektorale për të parin e kryeqytetit, ky është një vendim për të cilin edhe mund të diskutohet, por nëse është duke u menduar në mes të këtyre tre emrave duke rënë në kurthin e mediave të investitorëve strategjik të Edi Ramës me përdhosjen e sakrificës së demokratëve në veçanti pas Rithemelimit, atëherë cilido nga këta tre emra vetëm sa do ta thelloj zhgënjimin që po zien pas zgjedhjes së Gazment Bardhit për Kryetar të Grupit Parlamentar të PD, dhe Agron Gjekmarkajt për Nënkryetar të Parlamentit, ndërsa konfirmon atë që është thënë në Kuvendin e Rithemelimit më 11 dhjetor 2021:
Demokrat lind, nuk bëhesh!
Në fund, nëse asnjë kandidat fitues që ka PD për këtë garë elektorale nuk i bindet lidershipit të Partisë Demokratike, më është të mos merrë pjesë në zgjedhje se sa të futet me kandidatë të Shoqërisë Civile në një vend ku nuk ka Shoqëri Civile që nuk kontrollohet nga Sigurimi i Shtetit!
Ndërkohë për qytetarët e ndershëm tashmë alarmi është aktivizuar, jeni nën vëzhgimin e syrit të ciklonit të mediave të investitorëve strategjik të Edi Ramës:
Kujdes, mos kaloni nga selia e PD, do ju shpallin kandidatë për Kryetar të Bashkisë Tiranë!
