Kryesia e PD, Berisha: Do të mbështesim kandidatët e pavarur që duan mbështetjen e PD

Me përfundimin e mbledhjes së Kryesisë së Partisë Demokrtaike, Kryetari i PD, Sali Berisha, nuk foli më për kandidatë të pakrahasueshëm të kësaj partie me të cilët do të marrin pjesë në zgjedhjet e 9 Nëntorit në 6 bashki duke përfshirë Tiranën, por për kandidatë të pavarur që do të kërkojnë mbështetjen e Partisë Demokratike.

“Patëm një diskutim të gjatë, të përgjegjshëm, të lirë. Ajo që predominoj dhe e konsideroj një hap të rëndësishëm në përpjekjen tonë, është se PD ndonëse ka padiskutim kandidatura kalibri për asnjëlloj krahasimi me organizatën kriminale në pushtet, do vlerësojë dhe çmojë shumë kandidaturat e pavarura.
Do konsiderojë me seriozitetin më të madh, kandidatë të pavarur të cilët garojnë si të tillë dhe që konsiderojnë të nevojshme për fitoren e tyre, mbështetjen e PD-së.
Besoj se në një valë me këtë nga diskutimet paraprake janë dhe forcat e tjera opozitare.
Dhe kjo jo vetëm në bashkinë e Tiranës, por dhe në bashkitë e tjera.
Ky është një moment do të mendoja unë, për të gjithë ata qytetarë, intelektualë, ata specialistë, ekspertë që ndihen të gatshëm të përballen me narkoshtetin e Edi Ramës, të matin forcat e tyre në një garë në interesin më të mirë të qytetarëve të marrin vendimin e duhur,” tha Sali Berisha duke e konsideruar këtë vendim të Kryesisë së PD jashtëzakonisht të rëndësishëm, që i jep opozitës shqiptare një dimension tjetër.

“Unë mendoj se kandidati i pavarur, është i pavarur kur deklaron veten, apo nuk është kështu.
Por edhe të propozuar, asgjë nuk do të lihet jashtë konsideratës. Natyrisht duhet të jemi realist.
Në historinë e modeleve elektorale, të pavarurit e mbështetur nga forcat politike kanë regjistruar suksese të papritura, të themi atë që është.
Sot, tani, mund të ju them se në një shtet prej 18 milionësh, në Rhine Westphalia, në Gjermani, të gjithë kandidatët të pavarur, të mbështetur nga forcat politike.
Pra, nuk është kjo.
Vendimi është një vendim jashtëzakonisht i rëndësishëm i jep opozitës shqiptare një dimension tjetër.
Kë paraqiti ai? A e kuptoni ju se, çdo njeri tjetër në atë organizatë kriminale mund të dilte para Ogertës.
Ogertës desh i ra të fiktë kur e mori vesh, sepse e di barrën e krimit që ka mbi supe,” tha Sali Berisha i bindur për këtë vendim të jashtëzakonshëm ndonëse askush nuk e kuptoi ndëtsa përfundoi:
“A nuk janë këto nata ma ditën, a nuk është kjo errësira me dritën, dallimi.
Ne themi, qytetarët themi, personaliteteve të vendit, intelektualëve të vendit, ekspertëve u themi, atyre të cilët ndihen të gatshëm të përballen të marrin vendimin e duhur dhe ne qëndrojmë të hapur ndaj tyre.
Jo lajmi përbën ky, por risinë madhore, prandaj dhe mos bëjmë asnjëherë atë që ja; tani të themi, shihni trungun e pishës sa i madh, tani këto degët nuk na lënë me e pa.
Nuk mund të ndodhi kjo.”