Gjendet i vrarë një person në një makinë në…

Sot në fshatin Lladrovc, në rrugë është gjetur një makinë në të cilën ndodhej një person pa shenja jete.

Lirije Podrimaj-Beqiraj, udhëheqëse e Zyrës për Informim dhe Marrëdhënie me Publikun në komisariatin policor të Rajonit të Gjakovës, tha se sot, në orën 09:30, komisariati i ploicisë në Malishevë ka pranuar informacionin dhe menjëherë ka shkuar në vendin e ngjarjes për të ndërmarrë të gjitha veprimet e nevojshme policore lidhur me rastin.

“Në vendin e ngjarjes kanë dalë edhe ekipi mjekësor të cilët kanë konstatuar vdekjen e viktimës S.B . 57 vjeçar kosovar/shqiptar. Nga hetimet fillestare dyshohet për vrasje”, tha Podrimaj-Beqiraj.

Ajo thekson se hetimet e Drejtorisë Rajonale të Policisë në Gjakovë, në bashkëpunim me Prokurorinë Themelore në Gjakovë, në mënyrë intensive po punojnë në hetimin dhe ndriçimin e këtij rasti.

Me urdhër të prokurorit të shtetit, trupi i viktimës u dërgua në Institutin e Mjekësisë Ligjore për obduksion.