Karateistëve të Kosovës u ndalohet hyrja në Serbi

Kombëtarja e Karatesë e Kosovës nuk u lejua të hyjë në shtetin e Serbisë.

Policia serbe në kufirin e Merdares u kumtoi drejtuesve të Federatës së Karatesë së Kosovës vendimin e Ministrisë së Punëve të Brendshme të Serbisë, të cilët kishin dhënë urdhër që Kombëtarja të mos lejohet të hyjë në Serbi.

Kombëtarja e karatesë do të duhej të merrte pjesë në kampionatin evropian të karatesë, që mbahet në Novi Sad të Serbisë. Kombëtarja u kthye në Prishtinë

Të kujtojmë se këtë lloj vepre kriminale nuk e konsumoi as Rusia në Kampionatin e Judos, madje përvec ngritjes së flamurit u intonua edhe hymni i Kosovës.