Njeriut që zhduku Opozitën nga Parlamenti, BE e shpërblen me hapjen e Portës së Misionit
Njeriu që bllokoi integrimin e Shqipërisë në Bashkimin Evropian për tre vjet sa ishte në Opozitë, dhe me ardhjen në pushtet zhduku Opozitën nga Parlamenti, po ky Bashkim Evropian e shpërblem me hapjen e Portës së Misionit të Shqipërisë pranë BE për ti hapur sot edhe grupkapitullin e fundit për integrim në Bruksel.
“Ju po jepni rezultate. Arsyeja e dytë është se ju nuk po flisni vetëm, ju po realizoni. Ne shohim veprat. Nuk jua shpreh dot sa e lumtur jam kur kam mundësi të shpjegoj me fakte që ju keni bërë një përparim vërtet gjigant dhe është e gjitha falë punës suaj,” tha Komisionerja për Zgjerimin në BE, Marta Kos, në ceremoninë e hapjes së Portës së Misionit të Shqipërisë pranë Bashkimit Europian pa saktësuar se për cilat vepra e ka fjalën kur sot Shqipëria nuk i përafrohet as Shqipërisë së vitit 1937 dhe zyrtarja e BE ekzaltohet që Opozita Shqiptare nuk flet në Parlament sepse nuk e lejon personi që kishte përballë ose siç i thotë kjo zyrtare e Bashkimit Evropian: I dashur Edi!
“Më pëlqen gjithnjë ta theksoj, nuk ka asnjë proces anëtarësimi pa një udhëheqje të përkushtuar, që nuk i kthehet së shkuarës duke kërkuar të gjejë justifikime se pse diçka është e pamundur, por ju keni një udhëheqje ose keni një udhëheqës, i cili sheh nga e ardhmja që të shquajë apo të kërkojë arsyet e përgjigjet se pse diçka është e mundur. Ky është – dhe do thoja mos më citoni – ky është një nga dallimet më të mëdha midis Shqipërisë dhe disa shteteve të tjera nga Ballkani Perëndimor. Sigurisht, i dashur Kryeministër, i dashur Edi, e kam fjalën për ju dhe do ta mbyll duke thënë: Kjo është shtëpia juaj e re! Detyra ime është t’ju sjell ju, Shqipërinë, në shtëpi, në Europë!”
Dhe, nuk u mjaftua me ceremonin e mbrëmshme të Hapjes së Portës, sot, Komisionerja për Zgjerimin e BE i hapi zyrtarisht grupkapitullin e fundit të negociatave për anëtarësim në Bashkimin Europian, duke thënë shumë të pavërteta.
“Sot është një ditë e veçantë jo vetëm për Shqipërinë që hap të gjithë kapitujt, por edhe për BE. Kjo tregon se Bashkimi Europian ofron rezultate dhe se mund të mbështetemi te Shqipëria,” tha Marta Kos duke e konsideruar si sukses të punës së autoriteteve dhe i qytetarëve shqiptarë që kërkojnë ndryshim dhe e mbështesin atë, kur në Shqipëri autoritetet nuk kanë punuar për ndryshim dhe qytetarët shqiptarët e treguan mbështetjen e tyre në zgjedhjet e pjeshme lokale me vetëm 17% pjesëmarrje.
Çfarë tha Edi Rama nuk ka rëndësi fare, sot në orën 18:00 shqiptarët do ta shohin para Kryeministrisë, se si deputetët në pamundësi nga Kryeministri Rama të flasin në Parlament, do të dalin të flasin në Bulevard, normalisht të cilin nuk e ka ndërtuar ky Kryeministër sepse, thjeshtë, nuk ka lindur për të ndërtuar!
Ndërsa për shqiptarët ky është një film i parë, kështu BE veproi me “Aleksandrin e dashur” të Serbisë dhe sot përveç opozit i gjithë populli serb është duke protestuar në rrugë!
